Table Beer edo Tafelbier bezala ezagutzen diren garagardoak alkohol gutxiko  (% 0,5 – 3,5) garagardo estilo desberdinez osaturiko taldeari esan ohi zaio. Gari batetan oso ezagunak ziren Belgikako etxeetan otorduetan, familia giroan heldu zein umeek edaten zituztelarik. Azken urteetan berriz ere indarra hartzen hasi dela dirudi eta artisau garagardo ekoizle dexente animatu da horrelako garagardoak ekoiztera.

Hartzidura mota: Azaleko zein oineko hartziduraz ekoizturiko garagardoak aurki ditzakegu talde honen barruan.

Jatorrizko dentsitatea: 2- 9,5 plato

Malta: Malteaturiko garagarra, garia zein zekalea erabili daitezke, eta baita malteatu gabeko garagar, gari zein oloa.

Kolorea: Kolore mota desberdineko garagardoak izan daitezke, 10-100 EBC bitartean.

Alkohol edukia: % 0,5-3,5 alkohol bolumenean.

Lupulua: Lupulu gehiketak normalean garagardoaren oreka izaten du helburu bezala, normalean mikatztasun gutxiko garagardoak izaten direlarik.

Gorputz gutxiko garagardoak izan ohi dira, malta kutsu suabe bat nabaria izanik normalean. Siren Craft eta The Kernel-en Table Beer garagardo desberdinak probatzeko aukera izan dut eta usain eta zapore aldetik oso garagardo interesgarriak direla esan beharrean gaude. Nabari da alkohol kopuru gutxiko garagardoak direla, eta batzuetan agian ez hain orekatuak, baina %3,5 alkohol bolumenean baina gutxiago duten garagardoez ari gara!

Brewdog garagardo ekoizle eskoziarrak bere lehenengo artisau garagardo denda ireki du: Bottledog. Londresen izan da baina 2014. urtean garagardo denda gehiago irekitzeko asmoa dutela dirudi.

Kokalekua: Gray´s Inn Road (Londres, Ingalaterra)

250 garagardo botila desberdin baina gehiago eskainiko dituzte, Brewdog enpresaren garagardo propioak zein Erresuma Batua eta munduko beste toki askotakoak. Denda izateaz gain, 20-25 bat pertsona esertzeko tokia dago bertan eta aldatzen joango diren lau garagardo grifo dituzte. Grifoetatik Growler edukiontziak betetzeko aukera emango dute.

Etxean garagardoa egiteko gailu zein lehengaiak ere jarriko dituzte salgai denda honetan: legamia “likido” egoeran, malta zein lupuluak.

Argazkia: http://www.morningadvertiser.co.uk/

Gasteiztarrak zein bertara inguratzen direnak zorteko dira joan den Apirilak 12az geroztik garagardo denda espezializatu bat baitago. Aitor da denda ireki duen gasteiztarra hirian garagardo dendarik ez zegoela ikusi ondoren.

Betidanik izan omen da garagardozalea eta denda irekitzearen ideia burura etorri zitzaion momentutik denda ireki duen arte 3 hilabete besterik ez dira pasa.

Kokapena: Ramiro de Maeztu 1, Gasteiz

Ordutegia: Astelehenetik – Larunbatera: 11:00 – 14:00 eta 17:00-21:00 era.

Garagardo mota zein herrialde desberdinetako 340 erreferentzia desberdin ditu. Euskal artisau garagardoei dagokienez, hurrengo markak aurkitu ditzakegu: Naparbier, Baias, Zerb, Falken eta Olbea. Bertako garagardoak eskaintzen dituenez, Localbier.com artisau garagardo bilatzailean aurki dezakegu Birrak denda.

Atzerriko garagardo ugari aurki ditzakegu baita; Brewdog, Mikkeller, To ol, Anchor, Thornbridge, Anderson Valley…etab. luze bat. Estiloei dagokienez anitztasuna da baita nagusi; lager, amerikar Pale Ale eta IPA-k, garizko garagardoak, belgikako garagardo estilo desberdinak, ingalaterrako bitter-ak… 

Hurrengo hilabeterako 400 erreferentzia desberdin izango ditu, The Kernel, De Molen eta beste zenbait ekoizleen garagardoak eskainiz.

Aitorren hitzetan, “Birrak” denda ireki duenetik jendeak gehien eskatzen dituen garagardoak garizko alemaniarrak, Olbea aguraindarra eta Falken-en 1up dira.

Zorte on eta eskerrik asko “Birrak” bezalako proiektu bat Gasteiz hirian martxan jartzeagatik!

Joan den astean ireki zituen bere ateak Iruñan Txintxarra garagardotegiak. Nafarroako artisau garagardoaren (% 90) eskaintza da proiektu berri honek duen ezaugarrietako bat, baina ez da bakarra.

Hiru bazkide dira Txirrintxa martxan jarri dutenak: Jorge Goicoechea, Berbinzanakoa; Emilio Valerio, Dicastillo-koa; eta Alfonso Cía, Azcona-koa.

Bi solairu ditu, behekoak 140m2 eta goikoak 100 m2 dituztelarik. Taberna-kafetegi ordutegia du, gaueko 00.30-k arte irekiz astean zehar eta 02.30-ak arte asteburutan.

Bertan salduko diren garagardoak La Vasconia (ekoizpen propioa), MorlacoBeer eta Naparbier nafarrak dira. Bertako artisau garagardoak eskaintzen dituztenez, Localbier.com artisau garagardo bilatzailean aurkitzen da sartuta Txirrintxa.

Proiektu hau La Vasconia garagardo marka bezala ezagutuko den garagardo fabrika baten proiektu baten lehen hurratsa da. La Vasconia garagardoa Dicastillo-n 3 milioi euroko inbertsio bat eginez sorturiko ekoizpen puntu bat izango da, abadia estiloko artisau garagardoa egiteko asmoa duena. Esan bezala, Txirrintxa, garagardo enpresa honen estrategia barruan sortutako salmenta puntu propioa da, eta helburua beste hiri batzuetan garagardotegi propio gehiago zabaltzea da, beraien garagardo ekoizpenari irteera emanez.

Txirrintxak 1000 litro gordetzeko ahalmenta duten 3 zerbitzatze ontzi ditu, non garagardoa zuzenean grifoetara joaten den.Garagardoa Dicastilloko fabrikan ekoiztu eta 1000 litroko ontziak erabiliz (kamioetan) tabernaraino garraiatuko dute. Oraintxe bertan duten garagardoa Toledon ekoiztutakoa da, baina helburua beraien fabrika berrian ekoiztea da.

Zorte ona opa dizuegi hemendik Txirrintxa zein La Vasconia proiektuekin!

Argazkiak: Txirrintxaren Twitter-etik hartua