Imperial Stout garagardoa

Imperial Stout edo Russian Imperial Stout bezela baita ezagutzen den garagardo motak Londresen XVIII. mende bukaeran Anchor Brewery enpresak ekoizten zuen Porter potente batetan du jatorria (garai hartan oraindik ez zen Stout terminoa erabiltzen). XIX. mendean Baltikora garagardo mota hau bidaltzeko diseinatua izan zela pentsatzen da eta garai hartan Errusian Katalina enperatriz eta bere gorteak oso gogoko zuten garagardo hau.

Garagardo honek denetik eta asko du: malta usain fuertea, lupulu usainak ere asko nabarmentzen dira, zitriko, lore eta belar usainak nabarmenduz, garratztasun edo mikatztasuna ere altua du, eta alkohola % 7-12 bitartekoa.

 Hartzidura mota: Azaleko hartzidura.

Jatorrizko dentsitatea: 19 – 24 ºP

Malta: Garagar malta desberdinak erabiltzen dira, pale malta, crystal, malta bereziak, txigortutako garagarra (malteatu gabea) etab…

Kolorea: 80 EBC baina gehiago.

Alkohol edukia: % 7 – 12 bolumenean.

Lupulua: 50-80 IBU inguruko garraztasuna. Garratztasuna emateko lupuluez gain, “Dry Hopping”-a ere egiten da, lupulua heltze ontzian gehituz eta lupuluaren usain bereizgarriak emanez. Ingeles zein amerikar jatorriko lupuluak erabili daitezke.

Esan bezala, ezaugarri asko eta denak intentsitate handikoak. Garagardo sendoa da, gorputz handikoa, eta usain nahasketa konplexua: malta txigortua, lupuluaren zitriko, belar eta fruta usainak, hartziduran sorturiko ester-ei zor zaien fruitu usaina… bukaera lehorra edo gozoa izan daiteke. Estilo honen barruan garagardo interesgarri eta desberdinen mundu bat dago.

Amerikar Ale Gorriak

Amerikar Ale garagardo gorria , Amerikar Anber garagardoa bezala ere ezagutzen dena, Ingalaterrako Bitter eta Pale Ale-etan du jatorria. EEBB-tako garagardo ekoizleak garagardo mota hauek egiten hasi ziren baina bertako lehengaiak (lupulua batipat…) erabiliz.

Amerikar Pale Ale garagardoetan bezala, amerikar lupulu usaintsuak erabiltzen dira, baina Amerikar Ale garagardo gorrietan  lupulu usain, flabore eta garratztasun pertzeptzioa ertaina da, lehenengoetan ertain-altua izanik.

rogue

Horretaz gain, Amerikar Ale garagardo gorrietan malta kutsua (ertaina-altua) zein karameluarena APA-etan baina handiagoa da, gorputz gehiago izanik (bukaerako dentsitateak ere eragina du).

Hartzidura mota: Azaleko hartzidura.

Jatorrizko dentsitatea: 12 -14,5  ºP ( Bukaerakoa 3 – 4,5 ºP)

MaltaPale Ale malta erabili ohi da oinarrizko malta bezala eta Crystal malta % 10-15-eko kantitatean. Munich eta Vienna bezalako maltak ere gehitzen dituzte ekoizle askok.

Kolorea: 22-36 EBC arteko kolorea izan dezake.

Alkohol edukia: % 4,5 -6 bolumenean.

Lupulua: 30 -40 IBU , lupulu amerikarrak erabiliz egosketa bukaeran, eta askotan baita Dry Hopping bezala.

Garagardo mota hauek oso ondo doaz janari pikanteekin, hanburgesekin, eta Indiar janariarekin besteak beste, janari mota honen espezia eta belar usainak primeran baitoaz amerikar lupuluen usainekin.

Rogue Ales-en American Amber Ale, Bristol Beer Factory-ren West Coast Red eta Marble Brewery-ren Amber Ale dira estilo honen adibide batzuk.

Amerikar Indian Pale Ale (Amerikar IPA)

Amerikar IPA garagardo estiloa aurretik blogean aurkeztu dugun Indian Pale Ale-aren azpitalde bat da.

Amerikar Pale Ale (Amerikar PA) garagardoek baina alkohol kopuru eta lupulu presentzia handiagoa dute, baita mikatztasun handiagoa ere.

Ingalaterrako IPA estiloarekin gertatzen ez den bezala, estilo honek amerikar lupuluen ezaugarri bereizgarriak ditu; fruitu, zitriko, lore eta piñu usainak. Usain perfil hau ez da zertan lupulu amerikarrak erabiliz bakarrik lortu behar, jatorri desberdineko lupuluak erabiliz ere lortu daiteke.

IMG_1016 Hartzidura mota: Azaleko hartzidura.

Jatorrizko dentsitatea: 14 -18,2 ºP

Malta: Garagar malta oso argiak (Pale Malt) eta Crystal malt bezala ezagutzen direnak ditu. Beste malta mota batzuk ere erabili ohi dira. Ehuneko desberdinetan.

Kolorea: 12 -28 EBC arteko kolorea izan dezake.

Alkohol edukia: % 6 – 7,5 bolumenean.

Lupulua: 50-70 IBU inguruko garraztasuna. Garratztasuna emateko lupuluez gain, “Dry Hopping”-a ere egiten da.IMG_2745

Malta perfil eta gorputz ertaina ditu. Indiar janariarekin batera hartzeko paregabea da estilo hau, janari konplexu eta espeziak oso ondo baitatoz garagardo estilo honen usain eta zaporeekin.

Dougalls 942 IPA, The Kernell-en Indian Pale Ale Citra, Partizan-en Cascade-Chinook-Columbus IPA, Magic Rock-en Cannonbal, Mikkeller-en Centennial IPA etab. luze bat dira estilo honetako adibideak.

Amerikar Pale Ale garagardoak

Amerikar Pale Ale (APA) bezala ezagutzen den garagardo motak Ingalaterrako Pale Ale garagardo estiloan du jatorria. Oso modan daude gaur egun APA garagardoak eta artisau garagardo enpresa gehienek dute garagardo hau beraien produktuen artean.

The Kernell Pale Ale Motueka

Hartzidura mota: Azaleko hartzidura.

Jatorrizko dentsitatea:  11-12,5 ºP

Malta: Pale Ale garagar malta eta malta bereziak erabiltzen dira. Gari malta pixka bat ere gehitzea ohikoa da.

Kolorea: 12-28 EBC , urre kolore ilunetik kobre kolorera.

Alkohol edukia: % 4,5 – 5,6 bitartean .

Lupulua: 30-42 IBU tarteko garratztasuna bilatzen da lupulu gehiketarekin (ertaina-altua). Amarillo, Cascade, Centennial etab. bezalako lupulu amerikar usaintsuak erabiltzen dira, Ingalaterrako Pale Ale-en kasuan ez bezala.

Estilo honek fruitu, lore eta zitriko usain bereizgarriak ditu, amerikar jatorriko lupulua asko nabaritzen delarik. Amerikar jatorria ez duten lupuluak ere erabil daitezke, baina amerikar lupuluen usain antzekoak edukiko dituzte. Gorputz ertaina dute.

Sierra Nevada Pale Ale, The Kernell Centennial, Brewdog-en Punk IPA… dira adibide batzuk.