Berri onak dakartzate Iruña aldetik blogean iada aurkeztu genituen “Manneken Beer” tabernako kideek. Bederatzi dira orain dituzten “kañero” edo garagardo grifo desberdinak eta horietatik 6 itineranteak dira.

Horretaz gain, estatuko artisau garagardo desberdin gehiago (Marina eta Popaire adibidez) dituzte beraien botilako garagardo eskaintzaren artean.

“Manneken Beer” taberna Localbier artisau garagardo bilatzailean dago eta dituzten bertako garagardo ekoizle txikien garagardoak zein diren ikusi daiteke.

Segi horrela mutilak!

Joan den azaroak 17an Alemaniako Suddeutsche egunkariak argitaratu zuen artikulu baten arabera, Alemaniako garagardogintza sektorearen datuak nahiko kezkagarriak dira.

Alemanian 1300 garagardo fabrika baina gehiago daude gaur egun eta dirudienez, garagardo kontsumoa beheruntz doa gelditu gabe.

90. hamarkadan alemaniarren garagardo kontsumoa 140 litro/urteko eta pertsonako zen, eta gaur egungoa 100 litro/urteko eta pertsonako baina gutxiagoa da.

Artikuluak alkoholaren kontsumoaren beherakadak zerikusia duela esaten du, gaur egun jendeak osasunari garrantzi gehiago ematen omen baitio.

Azpimarragarria den beste datu bat ere ematen da artikulu honetan, garagardo ekoizle txiki batena, beste ekoizle txiki batzuen antzera, salmenta kopurua urtero handitzen duena. Bere segmentua aurkitu duela dirudi honek enpresa handientzat hain erosoa ez den garai honetan.

Mundu osoan ematen ari den artisau garagardo iraultzak ere nolabaiteko eragina izango al du Alemaniako enpresa handiek bizi duten egoera honetan?

Artikulua (Alemanieraz): http://www.sueddeutsche.de/wirtschaft/deutscher-biermarkt-in-der-krise-na-dann-prost-1.1820124

Bilbon ospatuko da asteburu honetan eta lehen aldiz “Beerbao Fest” artisau garagardo jaialdia. Bertako zein atzerriko artisau garagardo desberdinak dastatzeko aukera izango da.

Data: Urriak 11,12 eta 13

Ordutegia: Goizeko 11.00-tatik 23.00 arte.

Lekua: Ribera merkatua (Bilbo, Bizkaia)

Hurrengo argazkian, bertara garraio publiko desberdinak erabiliz nola iritsi ikusi daiteke:

Olañeta, Petra, Naparbier, VG Noster, Baias, Gross, De Molen, Mikkeler, Brewdog etab. bezalako garagardo ekoizleen garagardoak dastatzeko aukera izango da besteak beste.

Ondo pasa bertara inguratzen zareten guztiok eta ea zuetako norbait animatzen den jaialdiaren inguruko hitz batzuk Garagardo Ahotsa blogerako idazten!

Hiru aste dira iada ZERB garagardoa kalean dela eta hurrengo lerroetan garagardoa zein proiektua gehiago ezagutzeko aukera izango dugu.

Arrasate (3) eta Gasteizko (1) lau gazte daude proiektu honen atzean. Unai 10 urtez egon zen Bartzelonan bizitzen eta Katalunian bertan ekoizten ziren garagardoak zeudela ikusi zuen. Bertako batzuk ea Euskal Herrian zein garagardo ekoizten zen galdetzen zioten batzutan, eta nahiz eta hemen kultura, jaiak, eta janaria bezalako gauzak asko zaindu, bertako garagardorik ez genuela konturatu zen. 2008. urtean  8 hilabete pasa zituen baita Alemanian dagoen Düsseldorf hirian eta garagardo munduarekiko interesa eta jakintza handitu zuen.

Gauzak horrela, 2012. urtean “extraktua” erabiliz eginiko garagardoa egiten hasi zen etxean jolas moduan, eta geroxeago malta aleak erabiliz garagardoa egiteko kurtso bat egin zuen Madrilen (Cervezas LEST-ekoekin).

Hemendik aurrera hasi ziren iada lau lagunak elkarlanean “zerbait sortzeko zuten griña” aurrera eraman nahian: Zerb garagardoa.

 Proiektu honek gauza bat zuen argi, zein garagardo mota ekoiztuko zuten  erabakiko zutenak ez ziren beraiek izango, hitza kontsumitzaileei eman nahi zieten eta horretarako galdeketa bat prestatu zuten. Galdeketa hau (garagardoaren ezaugarri desberdinen inguruan… ) Euskal Herriko hiriburu eta taberna desberdinetako 200 pertsonei egin zieten pertsonalki, eta honetaz gain, mundu osoan zehar dauden Euskal Etxe desberdinei ere.

Emaitzek Kölsch estiloko garagardo horixka bat zela egokiena zioten.

Behin hau garbi zutela,  errezeta prestatu zuten eta Gasteizen kokatua dagoen VG Noster fabrikan hasi dute ekoizpena.

Lehenengo fasean daudela oraindik dio Unaiek, baina estilo berriak ere hemendik gutxira kaleratuko dituzte, betiere, Euskal Herriko kultura eta janaria oinarri harturik (besteak beste).

Euskal Herritik kanpo kontsumitzeko aukera ere egongo da, baina horren inguruko informazioa aurrerago emango dizuegu.

Eskerrik asko zuen denboragatik ZERB garagardoa taldeari!!!