Pale Ale malta oinarrizko malta bat da baina talde honetako beste malta mota batzuk baina % nitrogeno kopuru txikiagoa du. Ezaugarri honek beratze prozesuko proteina deskantsua egin behar ez izatea baimentzen du baina ordezkoekin batera ekoizteko desegokia egiten du.

 Ezaugarri nagusiak

Kolorea: 4-8 EBC bitarteko kolorea du (Pilsen eta Lager maltak baina ilunagoa).

Erabilera:Garagardo mota desberdinak egiteko egokia; stout, porter eta azaleko hartziduraz (ale) ekoizturiko garagardoak egiteko oso aproposa izanik.

Ehunekoa: Kargaren % 100 erabili daiteke.

Emaitzak: Anber argi koloreko garagardoak lortzen dira malta honekin, flabore handiko muztio gozoak lortuz.

Garagardo botilak erloju bihurtzen zituen artisau baten lana ikusteko aukera izan genuen behin blogean eta gaur botilen “txapekin” eginiko belarritakoak dira aurkeztu nahi dizkizuegunak.

Duela astebete inguru Londresko Spitelfields merkatuan ikusitakoen argazkiak dira hurrengoak. Dotoreak ezta?

Meantime enpresa 1999. urtean sortu zuen Alastair Hook-ek beste lagun batzuekin Londresen hego-ekialdean dagoen Greenwich auzoko etxe txiki batetan.

2000. urteko apirilean kaleratu zen lehenengo botilaraturiko ekoizpena eta Ray Richardson izan zen etiketak diseinatu eta izena eman ziena (Union).

Ordutik makinaria berrikuntzak eta toki aldaketak eman dira, salmenten gorakadak instalakuntza handiagoak bilatzera “behartu” baitzituen. Era berean, The Old Brewery izeneko brewpub bat ireki zuten 2010. urtean.

Gaur egun, Blackwall Lane (Greenwich) zonaldean kokatua dagoen 100 Hl/ekoizpeneko egiteko ahalmena duen makinaria berri eta zoragarri batekin (Rolec etxea) egiten dute lan.

 

Antxoberfest garagardo jaialdiak emango dio bihar hasiera eta larunbat arte iraungo du. Aurtengoa antolatzen den bigarren aldia da eta ekintza berri eta oso interesgarriekin datorkigu.

Festa ordutegia luzatu da aurten:

Ordutegia: Osteguna   19:00 – 24:00

Ostirala       19:00 – 02:00

Larunbata   11:00 – 05:00

Kokalekua: Gure Zumardia plazan (Pasai Antxo)

Ekintza berrien artean festari hasiera emango dion aurkezpena egingo du Erik Cohen maisu-garagardogileak, ondoren kuadrila desberdinek aurretik elkarlanean ekoizturiko artisau garagardoen dastaketa egingo du garagardoa ongi ezagutzen duen epai-mahai batek, 2013ko “Antxobeer” garagardoa aukeratuko duelarik.

Larunbateko ekintza berrien artean CRAZY-CARS amerikar kotxe klasikoen bilduma bat (20 baina gehiago) dugu, Pasai Antxoko kaleetan zehar ibili  eta ondoren Antxobeerfest-en egun osoan zehar egongo direnak. Errespetuz eta jabearen agindupean kotxeak barrutik eta kanpotik ikusteko aukera izango da.

Larunbatean baita 5 euroren truke dastatu ahal izango den “paella” erraldoi bat eskainiko da. Antxoberfest-eko sukaldea ere irekita egongo da egun osoan zehar 24.00-k arte. Txikienentzat ere izango da tarte bat, “hintxableak” egongo baitira.

Ekintza gehiago antolatu dira 3 egunetarako, beheko argazkian dituzue.

Garagardoak 

– Bit bruger (Alkoholik gabekoa )                                  – VG Noster cooper (Arabarra)

– Gordon Finest Red (Strong Lager, Belgika )               – Kwak ( Anbar, Belgika)

– Tripel Karmeliet ( Strong Pale Ale, Belgika)                  – Krombacher Pils (Pilsner)

– Kapittel pater  (Abadiakoa, Belgika)                               – Gulden draak (Belgika)

– Hopus   (Belgikar IPA)                                             – Martin’s Pale Ale (Pale Ale, Belgika)

– Weihenstephaner heffe eta Dunkel (Garizkoa, Alemania)

Garagardoei dagokionez ere aldaketa interesgarri batzuk ditugu aurreko urtearekin alderatuz: VG Noster cooper, Kapittel Pater, Gulden Draak eta Hopus dira aurtengo berrikuntzak.

Garagardo desberdinak edatean, garagardo suabe edo neutroenetatik hasi, eta fuerteago eta usaintsuagoak direnak ondoren edatea gomendatzen da, alderantziz egin ezkero, ahoan eta sudurrean geratzen diren usain fuerteagoek garagardo suabegoen ezaugarriak bereiztea zailtzen baitu.

Alkohol kopuru handiko garagardo desberdin asko dagoenez, kontuz edatea gomendatzen da. Biharamuna gutxitu edo sahiesteko, blogean eman genituen aholkuak kontutan hartzea ere aholkatzen dizuegu.

Eskainiko den janaria:

– Ukondoa, txukrut eta patatekin

– Saltxitxak, txukrut eta patatekin

– Alio-oli patatak