Berri Txarrak eta artisau garagardoa

Berri Txarrak taldea eta oraintxe kaleratu berri dituzten artisau garagardoak ditugu hizpide gaur. Benetan pozgarria da Berri Txarrak bezalako musika talde potente bat artisau garagardo munduari lotuta ikustea. Beste gauza batzuen artean, oraindik hain ezaguna ez den artisau garagardo mugimendua jende gehiagorengana gerturatzea lortzen da Berri Txarrak-ek kaleratu duen artisau garagardo “pack” honi esker.

Ekimen honen nondik-norakoak hobeto ezagutzearren galderatxo batzuk pasa dizkiogu taldeko bateria jolea den Galder Izagirreri:

Zergatik edo nolatan animatu da Berri Txarrak artisau garagardo propioa egitera?

Guineu garagardogile katalandarrak proposamena bota ziguten orain bi urte inguru. Hasera batean kasu handirik egin ez bagenien ere, ihaz bigarrengoz eskeini zigutenean Fort Collins-(Colorado) eko Breweryen munduan erabat murgilduta geunden, gonbiteari eutsi ta  buruari bueltaka hasi genion. Azken finean kontzertu gutxi ikusi dugu geure bizitzan garagardo gabe eskutan, lotura errexa genuen 😉 btx

Lau garagardo desberdin dituzue, nola egin dituzue errezetak? Ze ezaugarri ditu garagardo bakoitzak?

Esan beharra dago errezetak aldez aurretik beraiengatik eginak zeudela, azken finean urteak daramazkite ekoipenean eta errezeta mordoa egindakoak dira. Nahi genuen laukoaren aukeraketa gure esku joan zen. “Stereo” Sarrerakoa litzateke Pilsner tankerakoa eta mundu hontan hasi-berrie zuzenduta, “Iraila” Amber Belgiarren estiloko gorrixka karamelozko bukaerakin, “Jainko Ateoa” Stout edo beltza Kafeari oroitarazten digun amaierarekin eta azkenik “Ohiu” erabat zaleak geran IPA edo Indian Pale Ale Iparrerikar estilokoa. Dena dela asmoa dugu aurrerago errezeta propioak sukaldatzeko.

Etekinak ekimen sozial desberdinetara zuzenduko dituzue. Iada eraki al duzue zein ekimenetara?

Orain oporren ostean aztertu behar dugun zerbait da hori, ez genuke hanka sartzerik nahi.

Lau garagardo hauetatik, zein da BTX taldeko partaide bakoitzari gehien gustatu zaizkion garagardoak?

Esango nuke David eta Gorkari Stereo eta Oihu eta neri aldiz Oihu, Iraila eta Jainko.
Baina denak ditugu gustoko eta musikarekin bezela une bakoitzak eskatuko dizu bata edo bestea.

Garagardo pack-a iada beraien webgunean dago salgai!

Beno, musika eta bereziki baita Berri Txarrak oso gustuko ditudanez, gaurkoan beraien abesti bat jarri beharrean nago! Gozatu! Mila esker Galder galderak blogerako erantzuteagatik!

 

Final Frontier garagardoaren klonik hoberenaren bila ari dira

TO ØL ekoizle danimarkarraren Final Frontier inperial IPA garagardoaren klonik hoberena aurkitzeko lehiaketa antolatu du Iruñeako Vinoteca Navarra-ko “Bier Club” klubak.

Hau da, etxean garagardoa ekoizten dutenei zuzendua dagoen txapelketa bat da.

Botilak entregatzeko data eta tokia: Irailak 12a baina lehen Iruñeako “Bier Club”-en txokoan. Eskiroz kalea 22.

Izen ematearen prezioa: 5 euro (Bier Club-eko bazkideek) eta 10 euro beste guztiek.

Final Frontier-en antza gehien duen etxean eginiko garagardoa aukeratuko duen epahimahia TO ØL ekoizlea bera izango da.

Hurrengo esteketan dituzue lehiaketaren araudia eta izen emate orria.

ConcursoMaestriaCervecera

Big Beñat garagardo solidarioa non aurkitu

Big Beñat garagardoa Marbi eta Drunken Bros. garagardogileek elkarlanean ekoizturiko garagardo solidarioa da. Lima eta laranja azala, eta menta piperina dituen Saison bigbeñatgaragardo honen etekinak Beñat Mardaras Algortako ume baten familiarentzat izango dira, biriketako atrepsia gaixotasuna baitu eta bigarren aldiz Bostongo ospitale batetan ebakuntza egingo baitiote. Hori dela eta, dirua biltzen ari dira.

Blogeko eskubi aldean duzuen bilatzailea erabili dezakezue Big Beñat garagardoa non erosi daitekeen jakiteko edo behean duzuen zerrendan kontsulta ditzakezue baita zeintzuk diren salmenta puntuak:

La Catedral de la Cerveza (Bilbao)
La Buena Cerveza (Madrid)
Mundo de Cervezas (Las Arenas – Getxo)
Txeese & Beer (Algorta – Getxo)
La Birra de Ripa (Sopela)
Bar Singular (Bilbao)
Café-Obrador Okapi (Bilbao)
Estebenea Jatetxea (Irun)
Cerveceria Boulevard (Irun)
Barley & Hops (Barakaldo)
2d2despuma (Barcelona)
Bar Itsasondo (Bakio)
Keska taberna (Laudio)

Horretaz gain, asteburu honetan Big Beñat proiektuaren aldeko feria solidarioa antolatu da Irungo Boulevard eta Estebenean.

bigbeñatfesa

 

Hemen duzue ekoizpen egunean grabaturiko bideotxoa:

Mitika garagardoa

Nafarroa aldera goaz oraingoan bertan sortu den garagardo proiektu bat ezagutzeko asmotan: Mitika garagardoa.  mitika

Mitika garagardoa proiektuaren lehen huratsak duela ia 2 urte eman ziren, krisi garaian murgildurik, langabezian ziren 4 lagun elkartu ziren, diru apur bat jarri, 50 litro ekoizteko ekipoa erosi eta kooperatiba sortu zutenean.

Zalantza dexente zituztela hasieran diote, baina baita ideiak argi ere. “Ez genuen taberna guztietan daukagun garagardoa egin nahi, garagardoa egin nahi genuen bai, baina arduraz. Eta horretarako, lehengaietatik hasi ginen: garagardo ekologikoa? bertakoa? Ez genuen asko bilatu behar izan, ez Estatu espainolean, ezta Euskal Herrian ere, malta edota lupulu ekologikorik ekoizten ez dela egiaztatzeko. Hau da, Iruñan garagardo ekologikoa ekoiztea posiblea bada ere, oraingoz ez da sostengarria. Baina, lehengaien ekoizleak badauzkagu Euskal Herrian, zehazki Nafarroan, non Estatuko malteria handienetariko bat dagoen, eta baita lupulua ekoiztera animatzen ari diren nekazari ugari ere. Aukera ezinhobea beraz “0km filosofiaz” burutzeko, zeinaz garraio kutsadura ekidin, tokian tokiko ekonomia suspertu eta elikadura subiranotasunerantz pausuak ematen ditugun. Gainera, horrek %100 bertako lupulu eta maltaz buruturiko garagardo ekoizle bakarrak bihurtzen gaitu! “

mitika2
Otsailerarte, homebrewers bezala ezagutzen direnetakoak izan dira, etxean ekoizten zuten garagardoa beraientzat eta igurukoentzako. Aritz Irigoien lagunak, euskal mitologia gaitzat harturik marrazki batzuk egin zizkien, Galtzagorria Amber Ale-rentzat, Lamia Pilsen-arentzat, Sorgiña…  “Eta izena, bakarrik heldu zen, Iruñan bizi izan den edonork erabili izan ditu “es mas mítico…”, “la mítica…” bezalakoak. Horrekin eta mitoaren hitz jokoarekin, mitologia, mitiko,… ba MITIKA. Egia esan, garagardoak hain onarpen handia jaso zuen, gure ekipotxoarekin ezin iritsi ibiltzen ginela eskariei erantzuteko”

Txikitako kideak (Garagardo Konpany) ezagutu zituzten, eta hauek, beraien marka propioa ekoizteaz gain, besteentzat ere ekoizten dutenez… pausua eman zuten.

2015eko otsaileko lehen astean, Galtzagorriren 800 litroko lehen lotea ekoiztu zuten, martxo hasieran komertzializatzen hasi zirena. Momentuz, estilo bakarra atera dute, Amber Ale bat, baina ideia mitologiako pertsonaia ezberdinak ateratzen joatea da.galtzagorri

Galtzagorri Amber Ale 

Alkohola: % 5,4

Lupulua: Columbus

 

Beste garagardogileekin kolaborazioak egin nahi dituzte baita eta ekimen edo jai egun berezietarako garagardo pertsonalizatuak egitea da intentzioa.

Localbier bilatzailearen bidez aurki dezakezue Iruñeako taberna eta denda desberdinetan Mitika garagardoa: Artisau garagardoa Iruñean.

Eskerrik asko Mitika garagardo taldeari eta zorte on proiektu berri honetan!