Oilaskoa garagardoarekin egitea oso hedatua dago, eta agian zuetako askok iada prestatua izango duzue noizbait. Hona hemen luzatzen dizuedan proposamenta:

Zailtasuna: Ertaina

Osagaiak (4 pertsonentzako): 

   – 25 gr. gurin.
   – 2 Goilarakada oliba olio.
   – Tipula bat.
   – 8 zatitan moztutako 2 kg-tako oilaskoa .
   – Ginebra txorrotada bat.
   – 200 gr. perretxiko.
   – Irin goilarakada bat.
   -Westmalle Trippel (Garagardo trapista)
   – 5 cl. nata likidoa.
   – Txiki txiki eginiko perrexila.

Prestatzeko behar den denbora: 60 minutu inguru 

Prestaketa:

Olioa gurinarekin berotuko dugu lehendabizi lapiko batean. Tipula zati txikitan moztu eta bertara botako dugu, behin kolorea hartutakoan espumadera baten bitartez bertatik ateraz.  Oilasko zatiak ere lapiko honetan frijituko ditugu; ondoren sua pixka bat jeitsiko dugu eta ginebra txorrotada batekin flameatuko dugu.
Irina oilasko zatien gainean gehitu eta egosten pare bat minutu gehiago utziko da, nahasten aldi berean.
Ondoren, tipula zatiak gehituko ditugu berriz, perretxiku, garagardo, gatza eta piper- beltzarekin batera. Egosi egingo dugu gero, lapikoa estaliz, hiru ordu laurden inguru, oilaskoa xamurra egon arte.
Gehiegizko koipea kenduko dugu, eta nata gehituko zaio. Berriz egosiko dugu eta gatz eta piper beltza gehitu. Perrexila gehituz zerbitzatuko dugu.

Aurreko errezetak:
Krepak
Legatz solomoa garagardoarekin
Txahalki albondigak Franziskaner…
Perretxikoak