Astearte honetan Charles Faram enpresako lupuluen inguruko aurkezpen batean egon nintzela komentatu nuen iada atzo. Charles Faram 1865. urtean sortu zen Erresuma Batuko lupulu banatzaile bat da eta munduko zona desberdinetako 90 lupulu mota ditu bere eskaintza zabalean.

Aurkezpena lupuluari buruz orokorrean eta aurtengo Ipar Hemisferioko herrialde desberdinetako uzten emaitzen inguruan izan zen. Ikusi zen guztia kontuan hartuta, hurrengo puntuak azpimarratuko nituzke.

– Erresuma Batuan urtea ez da erraza izan lupulu ekoizleentzat. Martxoa bero hasi zen, ondoren azken 120 urteetako uda hezeena etorri zen eta ondoren egun oso beroak uztaila bukaeran. Lursail arineko nekazariek arazo gutxiago izan zituzten udako gehiegizko urarekin, lur honen ezaugarriak direla eta ura drainatu eta sustraiek askatasun gehiago baitzuten.

Egoera honek alfa azido kopuruan izan du eragina, normalean baina alfa azido gehiagoko lupuluak lortu direlarik.

– Alemanian uztaila-abuztua bitartean egun oso lehorrak izan ziren eta lupulu landareek estresa jasan zuten, Tettnang eta Spalt motek bereziki, errendimendu txikiak lortuz. Zonalde honetan ere lupulu mota berriekin dabiltza lanean eta Polaris, Bavaria Mandarina, Huell Melon eta Hallertau Blanc lupulu usaintsuak guztiz saldu dira (kopuru txikiak jarri ziren).

– Txekiar errepublikan %30-40 inguru jaitsi da errendimendua uda oso bero eta negu oso hotz (-25ºC-ra iritsita) bat dela eta.

– Eslovenian desberdintasunak nabaritu dira errendimenduan ureztatze sistema duten ekoizleen eta ez dutenen artean.

– EEBB-tan Citra, Simcoe, Sorachi Ace, Ahtanum, Chinook, Cascade, Centennial eta antzeko lupulu usaintsuetan eskaintza eskasia dago artisau garagardo ekoizleen gorakada eta hazkunde handiagatik, mota honetako lupuluen prezioak gora egingo duela espero delarik.

Orokorrean, alfa azido kopuru handiko lupuluen lursail kopuruak behera egin du 2012. urtean baina EEBB-tako eta Zelanda Berriko lupulu usaintsuen lursail kopuruak gora egin du. Hala ere, lupulu usaintsu hauen egungo lursail kopurua ez dela nahikoa izango uste da garagardo artisau ekoizleen eskaera asetzeko.

Kaixo guztioi!

Gabonetan izaten ditugun jai egunak direla eta, denbora gehiago izaten dugu inguruko herri edo hiriren bat bisitatzeko. Blogeko gomendioa Garagardo Ahotsan aurkeztu ditugun garagardotegi batzuek jarri dituzten garagardo berriak dastatzea da.

Iruñako Manneken Beer, Irungo Boulevard Garagardotegia eta Donostiako Never-Stop tabernek hurrengo garagardo berriak eskaintzen dituzte egun hauetan:

Manneken Beer (Iruña, Nafarroa)

Kañeroan: Bi kañero aldakor, astero garagardo berezi desberdinak!

Botilan: Brewdog, De Molen, Mikkeller, Nomada, Naparbier, Evil Twin, Struise… Eta gabonetan zehar ere 25 gabonetako garagardo inguru sartu dituzte kartan.

Boulevard Garagardotegia (Irun, Gipuzkoa):

Kañeroan: – Budejovicky       – Augustijn Blonde    – St. Bernardus Christmas

Botilan: Porterhouse Celebration Stout, St. Peters Winter Ale, Samuel Adams Winter Lager eta  Hommelbier Fresh Harvest edizio berezia.

Never-stop (Donostia, Gizpukoa):

Kañeroan: – The Kernel Pale Ale    – kuhnken American IPA       – zz+ amber ale Naparbier   -janis Porter Naparbier                   – 5am Saint Brewdog             – Molotov IPA Evil Twin

Botilan: Hurrengo enpresen garagardoak; Toccalmatto (Italia), The Kernel (Ingalaterra), Epic (Zelanda Berria) eta mikkellerren berri batzuk (Hop Bomb Chanllenge APA, Beer Geek Breakfast Stout, Noma Novel Strong Belga, Orange Yuzu Porter, Hoppy Lovin Xmas).

Aukera ederra duzue eh! Atsalde ona pasa!!

Goierriko Herrira taldeak garagardo festa antolatu du astebukaera honetarako Beasainen (Urriak 18,19,20 eta 21). Guztira 30 garagardo izango dira eta ohitura den bezala, bazkaltzeko edo afaltzeko aukera izango da. Lortzen den dirua sakabanaketak eta espetxe politikak eragindako gastuak arintzeko erabiliko da.

Ordutegia: 18:00 – 01:00

Kokalekua: Udaletxe azpiko portxeetan (Beasain)

Eskainiko diren garagardoak (3,5 euro bakoitzak eta 1,5 euro pitxarrak):

– Guiness ( Stout ,Irlanda)                 – Murphy´s (Stout, Irlanda)

– Paulaner Original (Münchner Hell, Alemania)   –  Paulaner Heffe (Garizkoa, Alemania)

–  Leffe Blond (Abadiakoa, Belgika )    – Leffe Bruin ( Abadiakoa, Belgika)

– Leffe Trippel (Abadiakoa, Belgika)    – Hoegarden (Belgikako garizkoa)

– Reserva especial 1906 (Estrella Gacilia)   – Einsiedler Landbier (Landbier ,Alemania)

– Einsiedler Weissbier (Garizkoa, Alemania)  – Budejovicky (Pilsen, Txek.Errepubl.)

– Budejovicky (Beltza, Txek.Errepubl.)   – Pilsner Urquell (Pilsen, Txek. Errepubl.)

– La Trappe (Dubbel Trapista, Holanda)   – La Trappe Tripel (Tripel trapista, Holanda)

– Löwenbrau ( Pilsen, Alemania)              – Spaten München (Premium Lager, Alemania)

– Hasseröder (Premium Pilsner, Alemania)   – John Martin´s Pale Ale (Pale Ale, Belgika)

– Kwak (Anbar estiloa, Belgika)               – Bravante Oro (Abadia blond estiloa, Espainia)

– Trippel Karmeliet (Strong Pale Ale, Belgika)      – Weihenstephaner Heffe (Garizkoa)

– Weihenstephaner Dunkel (Garizko iluna, Alemania)  – Weihenstephaner (Festbier,)

– Krombacher Pils eta garizkoa (Alemania)      – Buckler SIN (Alkoholik gabekoa)

Nik John Martin´s Pale Ale, Kwak, Trippel Karmeliet, Weihenstephaner Dunkel eta Bravante oro (oraindik ez dut dastatu eta) garagardoak edango ditudala uste dut, agian Murphy´s-a ere probatuz.

Kwak garagardoa bere edalontzi bereziak egin du oso famatu. % 8,4 alkohol bol. duen belgikako azaleko hartziduraz ekoizturiko Anbar estiloko garagardoa. Karamelu eta malta usainak nabariak dira.

Tripel Karmeliet azaleko hartziduraz ekoizturiko “Strong Pale Ale” bat da (% 8,4 alkohol bol.). Izena, azukre iturri bezala erabiltzen diren 3 zerealei (garagarra, garia eta oloa) eta jasandako hartzidurei zor zaie. Zitriko, malta gozo eta banilla usainak bereizi daitezke.

Weihenstephaner Dunkel % 5,3 alkohol bol. duen garizko garagardo ilunago bat da. Estilo honetan munich maltaren erabilerak eragin handia du garagardoan, banilla eta platanoa ere nabariak direlarik.

Garagardo desberdinak edatean, garagardo suabe edo neutroenetatik hasi, eta fuerteago eta usaintsuagoak direnak ondoren edatea gomendatzen da, alderantziz egin ezkero, ahoan eta sudurrean geratzen diren usain fuerteagoek garagardo suabegoen ezaugarriak bereiztea zailtzen baitu. Krombacher bat lehendabizi, Weihenstephaner Dunkel bat ondoren, eta bukatzeko Kwak bat edanez adibidez.

Alkohol kopuru handiko garagardo desberdin asko dagoenez, kontuz edatea gomendatzen da. Biharamuna gutxitu edo sahiesteko, blogean eman genituen aholkuak kontutan hartzea ere aholkatzen dizuegu.

Eskainiko den janaria:

– Ukondoa (12 euro)      – “Brava”-k (2,5 euro)

– Saltxitxak (5 euro)        – Postrea (3 euro)

Menua hartu ezkero (Ukondoa, saltxitxak, bravak, 2 postre eta 2 garagardo) 25 euro.

Hona hemen festa aurkezteko egin duten bideoa:

[youtube]http://www.youtube.com/watch?feature=player_embedded&v=88Kg0BG-JEU#![/youtube]

Mila esker Hirune pasatako informazioagatik!

Joan den Uztailean idatzi zituen azken hitzak “Culturilla Cervecera” blogeko Andrés Masero Kataluniarrak.  Blog honen helburua garagardoaren munduaren inguruan aurkitzen zuen informazioa nolabait biltzea zen, bere iritzi pertsonalak,  argazkiak, tabernak etab. luze bat.

Benetan lan bikaina egin du blog honetan, oso ondo landutako atal desberdin asko eta interesgarriak aurki daitezkeelarik. Orain, bilduriko informazioaz baliatuz 2 liburu argitaratu ditu eta bloga sortzean zituen helburuak ongi bete dituenez, agur esateko ordua iritsi dela adierazi du.

Zorionak eta eskerrik asko Andrés!