Stone Brewing amerikar artisau garagardo ekoizleak fabrika berri bat ireki behar du Berlinen (Alemania). Duela bost urte iada ezagutzera eman zuen Stone Brewing enpresak Europan ekoizpen puntu berri bat irekitzeko intentzioaren berri, baina proiektua ez da martxan jartzerik izan 9 herrialdeetako 100 lokaletatik gora ikusi eta gaur egungo kokalekua aurkitu duten arte.

Proiektua 2015 urte bukaerarako prest egotea da helburua eta goiko argazkietan ikusi daiteke zein izango den hemendik gutxira Stone Brewin-en Berlingo fabrika.

Greg Koch enpresa sortzailearen hitzetan, Berlin hiriburua aukeratu izanak 1996. urtean beraien San Diego-ko fabrikaren kokalekua aukeratzeko kontuan hartutako kriterio berberak biltzen ditu, bertako bizimodua atsegin dute eta jendeak bisitatzea gustuko duen toki izan behar zuen. Bertan denbora asko igaro behar dutenez, ezinbestekoa iruditzen omen zaio benetan gustuko hiri bat izatea.

Argazkiak: http://blog.stonebrewing.com/index.php/greg-koch-berlin-speech/

Asteburu honetan Beerbaofest jaialdia ospatuko da Bilbon. Gure inguruko zein atzerriko garagardo desberdinak dastatzeko aukera egongo da: Naparbier, Laugar, Drunken Bros, Bidassoa Basque Brewery, La Quince…

Data eta ordua:  Urtarrilak 16 Ostirala 18.00h – 02.00h

Urtarrilak 17 larunbata12.00h a 02.00h.

Tokia:  Bilborock, Muelle la merced ( Bilbo )

Manneken Beer-eko lagunak proiektu berri batetan murgildu dira eta ostegun honetan aurkeztuko dute Biribil brewing garagardo enpresaren izenean eginiko lehenengo garagardoa Manneken Beer tabernan: Tartalo Pale Ale ( % 4,5)

Data eta ordua: Azaroak 6 osteguna 17.00tatik aurrera

Tokia: Manneken Beer (Iruñea)

Tartalo Pale Ale garagardoa % 4,5 alkohol bolumenean duen amerikar Pale Ale garagardoa da. Erabilitako lupuluak: Columbus, Centennial eta Cascade dira.

Hurrengo argazkian ikusi dezakezue Tartalo garagardoaren etiketa, Antonio Bravo-ren diseinuarekin.

Bertara inguratzen zaretenon artean Tartalo garagardoaren lote desberdinak zozketatuko dira.

Oso ondo pasa mutilak!!!

Bihar ospatuko da Irunen Artekaña-k antolatu duen  Euskadiko I. artisau garagardoaren nazioarteko azoka non 20 artisau garagardo enpresa inguruk hartuko dute parte.

Data eta ordua:  Urriak 18 – Eguerdiko 12.00 gaueko 02.00-ak arte.

Tokia: Ficoba,  Iparralde etorbidea 43, Irun (Gipuzkoa)

Euskadiko I. artisau garagardoaren nazioarteko azokan garagardoa baina gauza gehiago egongo da. Ekintza desberdinak antolatu dira: Binilozko disken azoka, musika zuzenean, gastronomia, garagardo dastaketak, ludoteka bat, etxean garagardoa egiten ikasteko tailer bat (lupulu.com -eko lagunek emango dute) eta Localbier artisau garagardo bilatzailearen proiektuaren aurkezpen txiki bat ere egongo da arratsaldean.

Euskadiko artisau garagardoaren nazioarteko azokan egongo diren postuak:

• Deva
• Gar and Gar
• Morlaco beer
• Brux brewery
• Txikita
• Marbel
• Marbi
• San Fermin
• El secreto del Abad
• La Loca Juana
• La Cibeles
• La Quince
• Gross
• Bresañ
• Virtus
• La Grúa
• Bidassoa Basque Brewery