“La Salve” bilboko garagardoa bueltan da 1978an desagertu eta gero

2014(e)ko uztailak 24-n igor-kargitaratuta

1886-tik 1978. urterarte garagardo fabrika bat egon zen Bilbo hirian. 1907. urtean enpresa Pérez Yarza-ren eskuetara pasa zen eta “Fábricas de Cerveza La Salve” izena hartu zuen, beranduago, 1923 urtean “La Salve” izenarekin geratu zelarik.

1930. urte inguruan 776 000 litro inguru ekoizten zituen arren, aurretik esan bezala, 1978. urtean itxi zituen ateak.

Proiektuaren atzean Jon Ruiz eta Pérez-Yarza familiaren ondorengo diren Jacobo eta María Pérez-Yarza daude.

Abuztuaren hasieran kaleratuko da garagardoa (marka bezala) eta Jon Ruiz markaren promotorearen arabera, asmoa 2015. urterako “mikrogaragardotegi” bat irekitzea da, hurrengo urtean fabrika bat martxan jarriz.

Merkatuan 8 artisau garagardo estilo desberdin edukitzea da asmoa.

Localbier Faktoria irratsaioan

2014(e)ko uztailak 23-n igor-kargitaratuta

Joan den Uztailak 2an Localbier artisau garagardo bilatzaileko Joseba eta Beñat Euskadi Irratiko Faktoria irratsaioan egon egon ziren eta honakoa bertan Localbier zein artisau garagardo mugimenduaren inguruan hitz egindakoa duzue:

Plentziako I. artisau garagardo azoka larunbatean

2014(e)ko uztailak 9-n igor-kargitaratuta

Pleantziako I. artisau garagardo azoka ospatuko da larunbat honetan. Ikaragarri pozten gaitu iada gure artean ere artisau garagardo azokak geroz eta maizago ospatzen direla ikusteak.

Kakarraldo Rubgy taldeak antolatuko du larunbateko azoka hau beraien 35. urteurrena ospatzeko, Plentziako udaletxearen laguntza duelarik.

Data eta ordua: Uztailak 12 (larunbata) 11.00-23.00 h.

Tokia: Ontziola plaza (Plentzia)

GARAGARDOA EKOIZTEN: Botilaratzea

2014(e)ko uztailak 7-n igor-kargitaratuta

Garagardoa botilaratzeko garaian modu desberdinak erabiltzen dituzte garagardo enpresek. Hurrengoak dira ohikoenak:

1.- Zabalduen dagoena prozesaturiko garagardo komertzialena da. Hauek tenperatura hotzetan heltze prozesu bat jasan ondoren iragazi eta pasteurizatu egiten dira, ez legami eta ezta bestelako mikroorganismo bizirik garagardoan utziz. Botilatu aurretik bilatzen den CO2 kopurua lortzeko gas artifizial hau gehitu eta botilatzen dute.

2.- Beste garagardo enpresa komertzial batzuek esterilizazio hau pasteurizaziorik gabe baina esterilizazio iragazpen bat eginez lortzen dute. Hau da, iragazpenak egonkortzen du garagardoa. Enpresa batzuek antioxidatzailea gehitzen dute garagardo botiletan hau azkar “zahartu” edo “oxidatu” ez dadin.

3.- Artisau garagardo enpresa batzuek (gutxiengoak), aurreko prozesu antzekoa daramate baina iragazpen eta pasteurizaziriok gabekoa. Hau da, garagardoa heltze ontzietan tenperatura hotzetan denbora batez mantentzen dute (besteak beste garagardo gardenago bat lortuz), eta ondoren zuzenean botilaratzen dute. Botilaratze modu honekin, produktua ahalik eta azkarren edatea gomendatzen da (% 7 alkohol bolumena baino gutxiagoko garagardoetan), botilatzen den unetik zahartzen hasten baita eta botilan hartzidurarik jasan ez duenez, bertako oxigeno kopuruak nahiko handiak izan daitezke eta. Tenperatura bajuetan gordetzea ere ezinbestekoa da produktua ongi mantentzeko. Lehenengo 1-3 hilabeteetan edan behar dira garagardo hauek.

4.- Botilan hartzidura egitea izaten da artisau garagardo ekoizle gehienek erabiltzen duten modua (modu honetan aurrekoan baina oxigeno gutxiago izaten du garagardoak) :

4.1 Modu errezena eta gure artean gehien zabaldua dagoena garagardoak botilan bigarren hartzidura bat egitea da, hartzidura nagusitik geratzen den legamia erabiliz eta azukrea gehituz.

4.2 Aurrekoaren bariante bat, garagardoa botilaratu aurretik legami “zaharra” iragazpen baten bidez kentzea eta ondoren legami “berria” gehitzea da.

5. Bukatzeko, Brewdog-ek botilaratzeko erabiltzen duen modua aurkeztuko dugu. Hauek heltze prozesuaren bigarren astean lupulua gehitzen dute (Dry hopping) eta astebete mantentzen dute garagardoa 0ºC-tan. Ondoren iragazpen “partzial” edo suabe bat egiten dute, garagardoa iragazten dute baina ez garagardo enpresa komertzial handiek bezain zorrotz. Brewdog-en kasuan 5-6 mikron arteko iragazpena. Modu honetan garagardo gardenago bat lortzen dute baina ez guztiz gardena. Iragazi ondoren, botilatu aurretik garagardoa ontzi batzuetan edukitzen dute, non nahi duten CO2 kopurua lortzeko falta zaien gasa (CO2) artifizialki gehitzen dioten.