Azken egunetan mugimendu gutxi egon dela blogean konturatuko zineten noizean behin sartzen zaretenok.

Londres aldean nabil, internetera konektatzeko zailtasunak ditut eta honetaz gain, udak eskaintzen dituen egun eguzkitsuak aprobetxatzen saiatzen naiz… Horregatik, Abuztuak 15 arte blogari oporraldi txiki bat ematea erabaki dut, bueltatzean gauza interesgarri gehiago ekartzeko asmotan… atal berri baten bat ere hasteko asmoa dut. Ingalaterrako garagardoen inguruko gauzak ere partekatuko ditut b

Ondo pasa ezazue baita zuek uda, egiten duzuena eginda ere!

ABUZTUAK 15ean IZANGO GARA BERRIZ GARAGARDOAREN INGURUKO KONTU GEHIAGOREKIN!

(Atzoko artikuluaren jarraipena)

Entzima hau erabiltzeaz gain, askotan beta-glukanasa entzima erabiltzen da, iragazpenean denbora aurrezten laguntzen duena eta beste entzima amilolitiko batzuen aktibitatean hobetzen dutena.

Egoera likidoan azukre iturri bezala erabiltzen diren beste lehengai batzuk ere badaude, normalean zereal aleetatik lorturiko jarabe kontzentratuak izanik, baina eztia etab. bezalako lehengai originalagoak ere erabiltzen dira. Lehengai hauek egosketa bukaera aldean gehitu ohi dira likidoak direlako. Karbonatazioa lortzeko ere artisau enpresa askok azukre solido mota desberdinak ere erabiltzen dituzte, garagardoa botilatzean gehituz, botilan hartzidura emanik.

Etorkizunari begira jarri ezkero, industria biokimikoaren sektorean asmo handiko proiektuak dituzten enpresa garrantzitsuak daudela esan behar da, “garagardoa” malteatu gabeko garagarra erabiliz ekoiztu ahal izateko “Mix entzimatiko” batzuk lortzeko lanean ari direnak. Entsegu bat baino gehiago egin dute iada eta jende arruntaz osaturiko kata panelak baita. Pertsona talde honi betiko eran eginiko garagardoa eta malteatu gabeko garagarra eta “mix entzimatiko” hau erabiliz eginiko garagardoa eman zitzaien dastatzeko eta persona askok ez omen zuen desberdintasunik nabaritu bi produktuen artean.

Nik ere aukera izan nuen honela ekoizturiko “garagardoa” probatzeko, garagardogintza ikasketa garaian kide batzuen proiektu praktikoa honen inguruan baitzen, eta atzerriko enpresa biokimiko batek utzi zien “mix entzimatiko” hau. Hala izan zen, malteatu gabeko garagarra erabiliz ekoizturiko “garagardoa” egiteko gai izan ziren. Zer zapore zuen? Nolakoa zen garagardoa? Ba zerbait berezia nabaritzen zen, baino ezin esango nuke zer zen, eta enpresa handiren batek nahi izan ezkero horrelako produktu bat saltzeko aukera izango lukeela ere iruditu zitzaidan.

Niri sortzen zaizkidan galderak ordea hauek dira, zein izen izango luke modu honetan ekoizturiko edari batek? Herrialde desberdinetako elkigaia kodigoen arabera malta behar baita garagardoa ekoizteko. Kodigo hauetako garagardoaren deskribapena aldatuko dute? Benetan kaleratuko ote da noizbait malteatu gabeko garagarra eta “mix etzimatiko” hau erabiliz ekoizturiko edaririk?

Gaur eta asteleheneko artikuluetan garagardo enpresa desberdinek muztioa ekoizteko gaur egun azukre iturri bezala erabiltzen dituzten lehengai desberdinak laburki azaldu eta enpresa hauek lehengai hauek hidrolizatzeko (almidoi molekula handiak azukre molekula txikietan bilakatzea) dituzten filosofia desberdinak aztertuko dira. Horretaz gain, arlo honetan etorkizunak zer ekar dezakeen ere aurkeztuko da.

Nire asmoa ez da gai honen inguruko nire iritzia ematea, gaur egun egiten dena eta etorkizunean egin daitekeenari buruzko informazioa zuen esku jartzea baizik, zuetako bakoitzak hausnarketa propioa egin dezazuen.

Espainiako “Código Alimentario”-ak honakoa dio garagardo ekoizpeneko muztioaren: Muztioa garagar malta erabiliz egiten da, bai malta hau bakarrik erabiliz edo digestio entzimatiko baten bidez azukre bilakatu daitezkeen almidoidun produktuekin nahastuz.

Iada askotan azaldu dugu blogean garagar malta garagarraren malteatze prozesu baten bitartez lortzen dela, honen erneketa bat eman dadila behartuz, eta erneketa hau txigorketaren bidez moztuz. Honela garagardogileak garagardo ekoizpenean beharko dituen ia entzima guztiak sortzen dira malta honetan .

Entzimak almidoiaren hidrolizazioa errazten duten proteinak dira, eta garagardogileak ekoizpen prozesuan kontutan edukiko dituenak, beratze prozesuan entzima bakoitzaren aktibitatea errazteko tenperatura desberdinak erabiliz.

Hortaz, garagardogile batek muztioa malta azukre iturri bezala bakarrik erabiliz ekoiztu dezake, malta berak dituen entzimak erabiliz. Hau da, entzima industrialik erabili gabe.

Enpresa askok ordea malta honen %-ko bat malteatu gabeko zereal batengatik ordezkatzen dute, arroza edo artoa erabiliz adibidez, entzimen aktibitateari erresistentzia handiagoa dienak. Hau horrela izanik, erabili den malteatu gabeko zereal portzentaiaren arabera eta enpresaren filosofiaren arabera, entzima “industrialak” erabili daitezke, jatorri bakteriano edo fungikoa duten alfa amilasa entzima izanik erabiliena. Enpresa batek malteatu gabeko zereal bat erabiltzearen kriterioak kalitatea kontutan harturik (zereal hauen propietateren bat eman nahiaz)  edo kostu murrizketa bat  lortzea izaten dira…

Astelehenean irakurri ahal izango duzue hurrengo zatia!

Lehiaketan parte hartu duzuenon zenbakiak dituzue hemen, badakizue, biharko ONCE-ko zozketako zenbaki sarituaren azken bi zenbakiak hartuko dira kontutan Garagardo Ahotsa-ko lehiaketako irabazlea zein den erabakitzeko:

– Joseba Karrikiri (00,01,02,03)

– Martin Arakama (04, 05, 06, 07)

– Julen Fagoaga (08, 09, 10, 11)

– Hasier Moreno (12, 13, 14, 15)

– Aitor Arana (16, 17, 18, 19)

– Eneko Oiarbide (20, 21, 22, 23)

– Joseba Irazabal (24, 25, 26, 27)

– Amaia Berastegi (28, 29, 30, 31)

– Hector Cordon (32, 33, 34, 35)

– Txapato Jr. (36, 37, 38, 39)

– Benat Irasuegi (40, 41, 42, 43)

– Mikel Alvarez (44, 45, 46, 47)

– Adur Intxaurrandieta (48, 49, 50, 51)

– Goyo Lekuona (52, 53, 54, 55)

– Urko Ampudia (56, 57, 58, 59)

– Urtzi Otegi (60, 61, 62, 63)

– Eider Khi (64, 65, 66, 67)

– Miren Ferreras (68, 69, 70, 71)

– Neverstop (72, 73, 74, 75)

– Garazi Zabaleta (76, 77, 78, 79)

– Manex Ezeiza (80, 81, 82, 83)

– Iker Zona Mixta (84, 85, 86, 87)

– Irune Astitz (88, 89, 90, 91)

– Aitor Urkola (92, 93, 94, 95)

Zorte on guztioi!