LUPULU MOTAK: Spalter

Alemaniako Spalt eskualdean ekoizten den lupulu bat da. Lupulu nobleetako bat da eta ez dago oso zabaldua.

Zonalde honetan uzta “errendimenduak” ez dira beti nahi bezain onak izaten, baina gaixotasun desberdinen aurkako erresistentzi handi erakusten du lupulu mota honek.

Jatorria: Spalt (Alemania)

Mota: Usaina ematekoa lupulua

Erabilera/Kalitatea: Gehienbat oineko hartziduraz ekoizturiko garagardo alemaniar batzuetan erabilia (Pilsner, Bock, Lager batzuk…) baina Kölsch eta Alt bezalako garagardoetan ere erabili ohi da.

Ezaugarriak: Usain suabe eta atsegina du, espezia ukitu pixka batekin.

Ideiak saltzen: Limoia lepoan eta ibili munduan

Ideia edo produktu baten inguruko kontzeptu bat saltzen da gaur egun askotan marketing herramintak erabiliz. Erosleak produktua nola ikusten duen edo hau kontsumitzearen inguruko “pelikula” sinistaraztea nahikoa da produktua zerbait desberdina balitz bezala kontsumitzeko.

San Miguel-ek Ingalaterran eta beste herrialde batzuetan  salgai duen (oraintxe izan dut honen berri nik behintzat) botila gardeneko garagardoaren (San Miguel Fresca) kasua da adibide garbi bat. Aste honetan ikusi dut Londresko supermerkatu batetan, eta duela hilabete batzuk kaleratu zen. Dirudienez harrakasta handia izan du ingalaterran. % 4,4 alkohol kopurua du eta limoi bat botila lepoan jarrita edatea gomendatzen dute, “Coronita” garagardoa bezala.

Botila gardenak, aurreko batean ikusi genuen bezala, ez dira egokienak garagardoarentzat, argi kolpea jasan baitezakete, usain desatsegin bat sortuz. “Coronita”-k limoia jartzea zerbait exotikoa balitz bezala zabaldu zuen, eta oso ongi barneratu zen ideia kontsumitzaileengan. Horrela, limoiaren usaina oso ongi doakio jasan dezakeen argi kolpearen eragin negatiboa nolabait ezkutatzeko.

Espainia eguraldi oneko, herrialde latino eta festa-zale bezala ezagutzen den estatu bat da atzerrian, agian nolabait ideia horrekin bat egiten duen produktu “berri” bat da San Miguel-ek merkatua gehiago zabaltzeko asmotan eta asko konplikatu gabe kaleratu duen hau. Betiko San Miguel-ak baina alkohol gutxiago du baina horretaz gain nahiko antzekoa dela esan daiteke.

 Botila gardena, limoia lepoan eta ibili munduan.

Emakumeak garagardo ekoizpenean – PROJECT VENUS

Venus Project 2011. urtean jaio zen Erresuma Batuko emakume garagardo ekoizle talde bat da. Proiektu honi hasiera ematearen ideia Sara Barton-ena izan zen, EEBB “The Pink Boots Society”-ren (garagardogintzan emakumearen lana sustatzea helburu duen erakundea) artikulu bat irakurri ondoren.

Sararen hitzetan… “proiektuaren helburua emakumeei hasiera batean garagardoa egiteaz arduratzen zena emakumea bera zela gogoraraztea da eta baita emakumeak sektore honetara pixka bat erakartzea”. Horretaz gain, “emakumeek garagardoa edatea normala dela erakustea eta garagardo estilo desberdinen aniztasuna aurkeztea du helburu, hala norberak gustukoen duen estiloa aurki dezake”.

Venus Project taldeko kideak orain arte 5 alditan bildu dira beraien garagardo fabrika desberdinetan elkarrekin garagardo errezeta berri bat ekoizteko. Lehenengo aldian 5 bildu ziren baina azkeneko aldietan 14 bat emakume (garagardo enpresa desberdinetakoak) elkartu ziren.

Ekoiztu dituzten garagardoak honakoak dira:  Jade, Rouge, Black, Gold eta atera berri duten Voyage.

                             

BERRIAK: Garagardo dastaketa saioak Boule-Garagardoak tabernan (Irun)

“Boule garagardoak” Irungo tabernak garagardo dastaketa saio desberdinak antolatu ditu hurrengo asteetarako. Hamaika prestatu dituzte guztira oraingoz eta gazteleraz izango dira.

Larunbat honetan izango da garagardo dastaketa saio hauen lehenengoa.

Data eta ordua: Azaroak 17, Larunbata (20:00etan)

Kokalekua: Tabernan bertan

Prezioa: 10 euro

De Dolle belgikako mikrogaragardotegiaren garagardoak dastatzeko aukera izango da (botila erdia pertsonako):

– Arabier (%8)  – Boskeun (%10)    – Extra export stout (%9)   – Stille Nacht 2011 (%12)

 Hamar pertsonentzako tokia bakarrik dagoenez, ahalik eta azkarren izen ematea gomendatzen da. Asteburu honetan joaterik ez izan ezkero, agian hurrengo dastaketaren batetara gerturatu nahiko duzu, hurrengoak dira:

 – Haand Bryggeriet + Lervig Konrad Stout

–  The Kernell + Alvinne

– Toccalmato

– De Struisse Browers

– Gabonetako Garagardoak

– De Molen hilabetea (De Molen aurkezpena  – De Molen IPAk  – De Molen Barrel  Aged –  De Molen Bereziak )
11- Brewdog Bereziak

– Brewdog bereziak

Izen emateko edo informazio gehiago eskuratzeko:

cafeteriaboulevard@gmail.com     Tfnoa: 943 536918