Gari malta garia (Triticum aestivus) malteatuz lortzen den lehengaia da. Garagardo ekoizle askok erabiltzen dute garagardo estilo desberdinetan malta kargaren ehuneko txiki bat gehituz edo ehuneko handiago bat gehituz garizko garagardoak egiteko.

Garagarra ez bezala, garia azalik gabeko zereal bat da, ekoizpen prozesuko iragazpena zaildu dezakeelarik ezaugarri honek. Honetaz gain, gariak duen betaglukano kopuruak ere iragazpena zaildu dezake.

Kolorea: 2-4 EBC

Erabilera: Lehen esan bezala, garizko garagardo alemaniarrak egiteko kargaren ehuneko handi bat erabiliz eta ehuneko txikiagoan IPA, Pale Ale, Brown Ale etab. bezalako garagardo estiloetan erabiltzen da.

Ehunekoa: % 60 arte gehienez.

Ezaugarriak: Aparraren sortzean eta egonkortzean laguntzen du, proteinengatik turbietate natural bat ere sortzen du garagardoan eta ehuneko txikian erabilita zaporeak leuntzeko balio du.

Ingalaterran egon bazarete eta toki berriak ezagutzerako orduan dena goitik behera begiratzen duzuenetakoa bazarete, hurrengo argazkian ikusi dezakeguna bezalako ate edo “sarrerak” hiri zein herri desberdinetan behin baino gehiagotan topatuko zenituzten.

Jakingo al zenukete zertarako erabiltzen diren? Eta garagardoarekin zerkiusia duela esan ezkero?

Horrelako sarrerak Ingalaterrako ” Pub” tradizional guztietan ikusi ditzakegu. Baita garai batetan “Pub” izandoako lokaletan ere, nahiz eta gaur egun, hurrengo argazkiaren kasuan bezala, jostailu denda bat egon.

Blogean beste batzuetan aurkeztu ditugun Cask kupelak tabernako biltokira zuzenean sartzeko (eta gaur egun bestelako kupelak ere) erabiltzen ziren eta dira gaur egun “sarrera” hauek.

Cask kupel hauek biltokia dagoen tenperaturan zerbitzatzen dituzte bonba mekaniko baten laguntzaz.

Garagardoak historian zehar izan duen garrantzia handia dela ikusi dugu askotan blogean eta espreski hemen elkarbanatu genuen “How the beer Saved The World” bideoan. Ba gaurko berri hau garrantzi honen froga bat gehiago da.

Janponiako Weseda Unibertsitateko taldeak aurkitu omen du garagardo ekoizle egipziar honen hilobia Amenhotep III.-ren hilobi sarrera garbitzen zebiltzala.

Jusum-Im-Heb da duela 3000 urte garagardoa ekoizten zuen pertsona honen izena eta bere hilobiko margo-lanek garai hartan garagardoa ekoizteko erabiltzen zituzten ontziak zein ekoizpen prozesua azaltzen dute.

Argazkia: BBC News

Atzo 2013 urtean gustura edan ditudan 5 garagardo izendatu nituen blogean eta gaur beste bostekin natorkizue:

6. – Hadouken (Tiny Rebel)  Estiloa: Inperial IPA   Alkohola: % 7,4

IPA zalea bazara, Inperial IPA hau gustatuko zaizulakoan nago. 3 Amerikar lupuluk dira zitriko usainak ematen dizkiotena garagardo honi, karamelu usainak ere aurkitu ditzakegularik. Flabore gozoa, karameluarena zein lupulatua, bukaera lehor eta mikatz batekin.

7.- Rocky Head (Pale Ale)   Estiloa: Pale Ale amerikarra   Alkohola: % 6,5

Londresko garagardo enpresa txiki eta berria da Pale Ale hau ekoizten duena. Ardoaren munduan lan egiten duten bi lankidek martxan jarri duten proiektu interesgarria. Hau da beraiek kaleratutako lehen garagardoa (beste hori bat ere badute orain) eta oso kontutan hartzekoa! Pale Ale oso interesgarria, lupulu usain frutadun oso atseginak, mikatztasun/garratztasun atsegina duena eta duen malta nahasketarekin oso garagardo orekatua eta edateko erraza egiten duena. Bukaera lupulatua du.

8.- Royal Porter a La Taza  ( Nomada Brewing Co.) Estiloa: Inperial Porter  Alkohola: % 10,5

Nomada ekoizleek duten garagardo interesgarriena nire gusturako (garagardo beltzen oso zalea naizelako agian…). Txokolate, bainilla, kafe, karamelu eta alkhol pixka bat ere usaindu daiteke, nahiz eta duen alkohol kopururako ez den asko nabari. Bukaera lehor eta txigortua du. Bikaina iruditzen zait!

9.- Vuur and Vlam (De Molen)  Estiloa: Amerikar IPA    Alkohola: % 6,2

De Molen-ek dituen garagardoek beti ematen dute zeresana eta hau beraien kalitatezko garagardoetako bat da. Amerikar IPA sendo eta orekatua. Oraindik edan ez baduzue, ez bitan pentsatu.

10.- Old Freddy Walker (Moor Beer Company)   Estiloa: Old Ale  Alkohola: % 7,4

Lista bukatzeko Old Ale garagardo beltza dugu. 2004. urtean Ingalaterran gabonetako garagardo txapeldun irten zen. Oso garagardo beltz ona, erraz edaten da, kafe usain eta zapore goxoa, gorputz ona eta bukaera garbie. Alkohola ez da nabari.

Eta zuek? 2013. urtean edandako zein garagardo aipatuko zenituzkete?

Ongi izan!