Kategoriaren artxiboa: garagardoak

KÖSTRITZER SCHWARZBIER

-n -kargitaratuta

Garagardo mota hau orain dela aste batzuk garagardoen sailkapenean ikusi genuen garagardo beltzen estiloko garagardo bat dugu. 1516. urteko Alemaniar Purutasun Legearen arabera ekoizten da: Ura, malta, lupulua eta legamia bakarrik erabiliz.

Köstritzer Schwarzbier garagardoa

 
Jatorria: Bad Köstritz, Alemania

Hartzidura mota: Oineko hartzidura

Jatorrizko dentsitatea: 11,4 ºP  

Malta: Garagar malta argiak eta ilunagoak eta txigortuak izan diren maltak.

Lupulua: 25 IBU inguruko garratztasuna.

Kolorea: Beltza.

Alkohol edukia: % 4,8 bolumenean.

Pilsner eran ekoizturiko garagardo honek, ekoizpen prozesuan erabili diren malta txigortuei zor die nabariak diren txokolate edota kafe usainak. Irlandan hain famatuak diren Stout garagardoak baino dexente errezago edaten da, hauek baino arinagoak eta garratztasun gutxiagokoak baitira.

º Plato: 100 gr-ko zenbat gr. extraktu dituen adierazten du.

Jatorrizko dentsitatea: Hartzidura hasieran muztioak duen dentsitatea adierazten du.

AUGUSTINER DUNKEL GARAGARDOA

-n -kargitaratuta

Munich estiloko gargardoei buruz hitz egin genuen duela egun batzuk eta gaurkoan estilo honetako garagardo konkretu bat aurkeztuko dugu, Munichen dagoen “Augustiner-Bräu Wagner KG” garagardo enpresaren “Augustiner Dunkel” garagardoa hain zuzen ere.

Augustiner Dunkel garagardoa



Jatorria: Munich, Alemania

Hartzidura mota: Oineko hartzidura

Malta: Garagar malta.

Lupulua: 20 IBU inguruko garratztasuna.

Kolorea: Iluna, marroi-gorrixka.

Alkohol edukia:  % 5,6 bolumenean.

Malta usain tipikoak nabari daitezke garagardo mota honetan, zapore pikanteak ere nabarmenak izanik.

CHIMAY GORRIA: GARAGARDO TRAPISTA

-n -kargitaratuta

Iada aurkeztu ditugu garagardo trapisten ezaugarri nagusiak, baina oraindik ez dugu bakarka talde honetako garagardorik ikusi. Chimay garagardo gorria 1863an Notre-Dame de Scourmont-eko abadian ekoiztu zuten lehenengo garagardoa da.Gaur egungo errezeta bertako abadiako Théodore-k sortua da, bigarren mundu gerra ondoren, garagardo fabrika konpondu eta gero.

Jatorria: Baileux, Chimay (Belgika)

Hartzidura mota: Azaleko hartzidura 

Malta: Garagar malta eta garia (malteatu gabekoa) eta azukrea ere erabiltzen dira azukre iturri gisa.

Lupulua: Bi lupulu mota erabiltzen dituzte, Galena amerikarra garratztasuna emateko eta Hallertauer alemaniarra usain bereizgarria emateko.

Kolorea: 45 EBC, Kobre-gorri kolorea.

Alkohol edukia:  % 7 bolumenean.

 Garagardo honetan, hartziduran prozesua dela eta abrikota* usainak nabari daitezke. Garagardo hau edateko tenperatura gomendagarria 10-12 ºC bitartekoa da.

*albaricoque

KILKENNY IRISH BEER

-n -kargitaratuta

Aurreko astean irlandako Ale gorriak ikusi genituen eta gaurkoan talde honetako garagardo marka konkretu bat aurkeztuko dugu.

Kilkenny Ale gorria

Jatorria: Kilkenny, Irlanda

Hartzidura mota: Azaleko hartzidura

Malta: Garagar malta eta garagar malta txigortu portzentai bat.

Lupulua: 29 IBU-ko garratztasuna lortzen da gehitutako lupuluarekin.

Kolorea: Gorrixka, 27 EBC lortuz.

Alkohol edukia: % 4,3 bolumenean.

Garratztasun ertaineko Ale gorria, usainen artean, ogi txigortuarena nabarmentzen da, duen malta txigortua dela eta. Karamelu antzeko usainak ere nabari daitezke.

Barriletan zerbitzatzen denean, nitrogenoa da erabiltzen den gasa, oso apar krematsu bat sortuz, CO2-az botatzen diren garagardoekin konparatuz.