LUPULU MOTAK: Simcoe

Posted on 2013(e)ko Martxoak 8 by igor

Simcoe lupulua 2000. urtean merkaturatu zen Washington-en kokatua dagoen Yakima Chief Ranch enpresak garatu ondoren. Ez dira ezagutzen lupulu barietate hau sortzeko erabili diren lupuluak zein diren.

Errendimendu oso onak dituen landarea da. Mikkeller Simcoe Single Hop, Brewdog Punk IPA, Jai Alai IPA, The Kernel Simcoe IPA, The Kernel Pale Ale Chinook Simcoe etab. dira lupulu hau duten garagardoen adibide.

Jatorria: Washington (EEBB)

Mota: Usaina emateko eta baita mikatztasuna (garratztasuna) emateko erabili ohi da (% 12-14ko alfa azido kopurua baitu).

Erabilera/Kalitatea: Azaleko hartziduraz (Ale garagardoak) ekoizturiko garagardoetan erabilia, Amerikar PA eta IPA estiloak izanik ohikoenak baina Indian Red Ale, Barleywine, Amber Ale etab. bezalako garagardoetan ere erabiltzen da.

Ezaugarriak: Lupulu hau gehituta lortzen den mikatztasuna garbia da beste lupulu batzuekin alderatuta eta lupulu usaintsu bezala erabiltzen bada belar, pinu eta zitriko usainak lortu daitezke.

LUPULU MOTAK: Cascade

Posted on 2012(e)ko Irailak 13 by igor

Cascade lupulua E.E.B.B-etan garatu zuten barietate bat da, Fuggle eta Serenbriaker (Errusiakoa) barietateen hibridoa, 1972 jarri zutelarik merkatuan. Estatu Batuetako artisau garagardoen artean oso erabilia den lupulua da, Dry Hopping-erako oso aproposa dena.

Cascade lupulu hosto eta konoa

Jatorria: E.E.B.B

Mota: Usaina emateko erabilia gehienbat, baina nahiz eta garratztasun gutxiko lupulua izan, egokia da garagardo estilo batzuetan garratztasuna emateko.

Erabilera/kalitatea: IPA eta amerikar Pale Ale garagardoak ekoizteko erabilia gehienbat, nahiz eta beste garagardo mota batzuetan ere erabili daitekeen.

Ezaugarriak: Zitriko (pomeloa) eta lore usain oso bereizgarria eta atsegina du.

LUPULU MOTAK: Northern Brewer

Posted on 2012(e)ko Otsailak 22 by igor

Ingalaterran du jatorria lupulu mota honek, lupulu Amerikar eta Ingeles baten arteko hibridoa izanik. Gaur egun, Ingalaterran, Alemanian, Belgikan eta Estatu Batuetan ekoizten da.

Lupulu barietate berriak hibridazioz sortzeko erabiltzen da askotan.

Northern Brewer hosto eta kono

Jatorria: Ingalaterra (1934).

Mota: Garratztasuna emateko erabilia.

Erabilera/kalitatea: Hurrengo garagardo motetan erabili ohi da lupulu barietate hau: Alemaniako Lager, garagardo ketua eta ingalaterrako “Ale” ilunak egiteko aproposa.

Ezaugarriak: Zurezko usain suabea, menta tonuak ere gainentzen direlarik.

Lupulu honen errendimendua hektareako gutxitu egin da azken urteotan.

LUPULU MOTAK: Styrian Golding

Posted on 2012(e)ko Urtarrilak 20 by igor

Styrian Golding lupulua Eslovenian ekoizten da gehienbat, baina Austriako zonalde batean ere aurki daiteke. Lupulu mota hau bere usain bereziagatik eta garratztasuna emateko duen ahalmenagatik da ezaguna.

Styrian Golding lupulu hosto eta konoa

Jatorria: Eslovenia.

Mota: Usaina emateko erabilia.

Erabilera/kalitatea: Hurrengo garagardo motetan erabili ohi da lupulu barietate hau: Ingalaterrako Ale garagardoetan,Pilsner,Belgikako Ale garagardoetan eta Lager- etan.

Ezaugarriak: Usain suabea, pixka bat pikantea.