Kategoriaren artxiboa: garagardoak

GARAGARDOAK: Sierra Nevada Pale Ale

-n -kargitaratuta

Duela hilabete inguru Amerikar Pale Ale estiloko garagardoak ikusi genituen eta gaurkoan estilo honetako garagardo mitiko bat dugu, Sierra Nevada Pale Ale.

1979. urtean sortu zen Sierra Nevada (Kalifornia, EEBB) enpresak ekoizten du garagardo hau, gaur egun garagardo zale zein ekoizle askoren oso gustukoa den Cascade lupulu ezagunaren ospearen “errudunetako” bat izanik.

Sierra Nevada Pale Ale garagardoa

Jatorria: Sierra Nevada (Chico, Kalifornia)

Hartzidura mota: Azaleko hartzidura ematen da ontzi irikietan.

Malta: Bi ilaratako pale eta caramel garagar maltak.

Lupulua: Magnum eta Perle dira garratztasuna ematen dioten lupuluak ( ertain-altua 37 IBU inguru) eta Cascade erabiltzen dute usain bereizgarriak emateko.

Kolorea: Anbar kolore iluna du.

Alkohol edukia: % 5,6 bolumenean.

Botilan bigarren hartzidura bat (azukre eta legami gehiketa batekin) eta iragazpenik jasan ez duen garagardo oso freskagarri bat da. Lore, pomelo eta belar usainak dira garagardo honen bereizgarriak.

GARAGARDOAK: Gonzo Imperial Porter – Flying Dow Brewery

-n -kargitaratuta

Joan den astean Flying Dog enpresak etiketa batean jarri zuen esaldi batengatik hauzitara eraman zituztela ikusi genuen eta gaurkoan duela bi egun edan nuen enpresa honen garagardo bat dugu esku artean, Gonzo Imperial Porter.

Jatorria: Flying Dog (Maryland, EEBB)

Hartzidura mota: Azaleko hartzidura ( Bi legami moten konplexutasuna biltzen du)

Malta: Crystal, txokolate eta garagar malta beltzak, malta argiez gain noski.

Lupulua: Garratztasun oso handiko garagardoa, 85 IBU!!  Warrior, Northern Brewer eta Cascade lupulu motak erabili dira.

Kolorea: Beltza.

Alkohol edukia: % 9,2 bolumenean.

Apar marroixka eta ugaria duen garagardoa da. Garagar txigortuaren usaina da nabariena nire ustez, anis pixka bat ere bereiztu nuelarik. Gozotasun pixka bat du eta erre flaborea eta kafe pixka batena ere, alkohol kopuru altua nabaria egiten da. Gorpuz handia duela esan daiteke eta bukaera oso garratza.

GARAGARDOAK: Liberty Ale Anchor

-n -kargitaratuta

Liberty Ale garagardoa San Francisco-n kokatua dagoen ANCHOR Brewery garagardo enpresak ekoizturiko IPA estiloko garagardoa da. 1896. urtean ireki zituen ateak Anchor-ek Ernest F. Baruth-en eskutik. Jabe desberdinak eduki ditu enpresa honek ordu ezkeroztik, gaur egun 10 garagardo mota desberdin ekoizten dituztelarik.

Nahiz eta garagardo enpresak lehenago ireki zituen ateak, Liberty Ale garagardoa 1975. urtean hasi ziren ekoizten.

Jatorria: Anchor Brewery (San Frantzisko, EEBB)

Hartzidura mota: Azaleko hartzidura.

Malta: Garagar malta argiak erabiltzen dira.

Lupulua: Garratztasun handiko garagardoa, Cascade lupulua erabiltzen delarik, eta baita “Dry Hopping” teknika.

Kolorea: Anbar kolorea.

Alkohol edukia: % 5,9 bolumenean.

Anbar koloreko garagardoa, apar txiki-ertaina duena. Gardena ez den garagardo bat da, malta flaborekoa, eta fruita usainak nabari daitezke. Bukaera oso lupulatua du, garratztasuna eta “Dry Hopping”-a dela eta oso nabarmenak diren lupulu usainengatik.

GARAGARDOAK: Guinness Original

-n -kargitaratuta
Duela bi aste Dry Stout garagardo mota aurkeztu zen eta gaurkoan garagardo mota berbereko marka konkretu bat dugu, Guinnes enpresaren Dry Stout garagardoa alegia (1820. urtea).

 
Jatorria: Guinness (Dublin, Irlanda)

Hartzidura mota:Azaleko hartzidura

Jatorrizko dentsitatea: 11,5 ºP .

Malta: Garagar malta eta malteatu gabeko baina txigorturiko garagarra (10%)
 
Lupulua: 40-50 IBU inguruko garratztasuna, garagardo nahiko garratza egiten duena.

Kolorea: Beltza.

Alkohol edukia: % 4,2 bolumenean.

Txokolate, karamelu eta kafearen arteko nahasketa bat nabari daiteke zaporean, malta txigortuari eta malteatu gabeko garagar txigortuari zor zaiona. Ez zaio lupuluaren usain edo zaporerik nabaritzen, baina bai ordea lupuluak ematen dion garratztasun altua. Nitrogeno gasez ateratzen denez (karbono dioxidoaren ordez), apar oso dentsoa eta burbuila txikikoa sortzen da. Oso gorputz handia duen garagardo bat da.