Hona hemen duela hilabete inguru erositako garagardo iragarki zahar bat gehiago. Gaurkoa Holandako Amstel garagardo enpresarena da eta ikusi dezakezuen bezala irrifartsu dagoen emakume gazte bat da protagonista.
Amerikar Pale Ale garagardoak
Amerikar Pale Ale (APA) bezala ezagutzen den garagardo motak Ingalaterrako Pale Ale garagardo estiloan du jatorria. Oso modan daude gaur egun APA garagardoak eta artisau garagardo enpresa gehienek dute garagardo hau beraien produktuen artean.
Hartzidura mota: Azaleko hartzidura.
Jatorrizko dentsitatea: 11-12,5 ºP
Malta: Pale Ale garagar malta eta malta bereziak erabiltzen dira. Gari malta pixka bat ere gehitzea ohikoa da.
Kolorea: 12-28 EBC , urre kolore ilunetik kobre kolorera.
Alkohol edukia: % 4,5 – 5,6 bitartean .
Lupulua: 30-42 IBU tarteko garratztasuna bilatzen da lupulu gehiketarekin (ertaina-altua). Amarillo, Cascade, Centennial etab. bezalako lupulu amerikar usaintsuak erabiltzen dira, Ingalaterrako Pale Ale-en kasuan ez bezala.
Estilo honek fruitu, lore eta zitriko usain bereizgarriak ditu, amerikar jatorriko lupulua asko nabaritzen delarik. Amerikar jatorria ez duten lupuluak ere erabil daitezke, baina amerikar lupuluen usain antzekoak edukiko dituzte. Gorputz ertaina dute.
Sierra Nevada Pale Ale, The Kernell Centennial, Brewdog-en Punk IPA… dira adibide batzuk.
Garagardoa etxean egiteko…www.lupulu.com
Etxean garagardoa egiten al duzu? Edo agian egunen batean zeuk etxean egindako garagardoa edan nahiko al zenuke? Ba Lupulu-ko kideek behar duzun guztia dute. Zer den Lupulu.com ? Ba etxean garagardoa egiteko beharrezko diren lehengai eta tresnak saltzen dituen internet orri bat da, baina ez hori bakarrik. Hona hemen proiektuaren deskribapena beraien hitzetan:
“Etxean garagardoa nola egiten den jakin eta ikasi nahi duen jendeari informazioa emango dion webgunea izango da lupulu.com. Eta informazioarekin batera, etxeko garagardoa ekoizteko osagaiak erosi ahal izango dira bertan. Pixkanaka DIY filosofiarekin etxeko ekoizpen txikien eta garagardozaleen bilgune izan nahi du, eta horregatik espazio irekia izango da etxeko garagardoaren eta mikroekoizpen garagardoaren munduan dabilen edonorentzat” LUPULU.COM
Badakizue hortaz, nahiz eta garagardoaren ekoizpenaren inguruan jakintzarik ez eduki, lupulu.com-eko kideek egin duten Lupulu Pale Ale errezetarekin eta beraien eskuliburua jarraituz, Pale Ale estiloko garagardo bat egiteko aukera izango duzue:
GARAGARDOA OTORDUETAN: Apetitu pixka bat dagoenean…
Larunbatean kanpoan afaltzeko asmoa nuen eta apetitu pixka bat nuenez, zerbait azkarra prestatzea erabaki nuen. Garagardo bat edateko gogoa ere sartu zitzaidanez hozkailua ireki eta Brown Ale bat hartu nuen, garratztasun ertaina eta malta eta ur zaporekoa.
Argazkian ikusi daitekeen bezala, entsalada txiki bat alde batetik eta urdaiazpikoa, tomatea, eta oliba olioa ogi zati txikietan izan zen apetitua kentzeko prestatutakoa. Entsalada guztiak oso ongi doaz garagardoarekin, eta tomatedun jakiak, honen azidotasuna dela eta ere primeran konbinatzen dute garagardoaz.
Prestatzeko oso erreza eta azkarra den eta garagardoarekin batera gozatzeko aproposa den mokadu baten adibidetxo bat besterik ez da larunbatean sabeleratutako hau.
Ah! Zorionak Julen!!! 🙂