“El Arte de la cerveza sana” jaialdirako bi sarreren irabazlea Maite Txintxurreta izan da. Gaur zen leihaketan parte hartzeko azken eguna eta bera izan da leihaketan parte hartu dutenen artean identifikatu den bakarra, horregatik, zozketarik egin gabe suertatu da irabazle.
Sarrerak lortu ahal izateko idatzi mesedez mezu bat zure datu pertsonalekin garagardoahotsa@gmx.com helbidera.
Duela hilabete batzuk Never-Stop tabernako Gaizkak gaztelerazko “amargor” ezaugarria garagardoari dagokionez mikatztasuna bezala ezagutzen zuela komentatu zidan eta eztabaidatxo bat eduki zutela tabernako batzuek honen inguruan.
Nik ere hasiera batean dudak nituela komentatu nion, mikatztasuna eta garrantztasuna baitziren nire ustez ezaugarri hori deskribatzeko hitz egokienak. Duda hau lagun eta ezagunei plazaratu nien.
Nire inguruko gehiengoak garratztasuna hitza erabiliko luketela zioten, baina jendeak bere dudak zituela argia zen. Gainera, Euskal Herria nire inguruko jende multzo txikia baina askoz ere anitzagoa da eta eskualde desberdinetan bizi den jendearen iritzia jakin nahi nuen.
Londresko Euskal Etxeak ekintza desberdinak antolatu ohi ditu eta hauetako batetan, Euskal Herriko txoko desberdinetako (gipuzkoarrak, naparrak, bizkaitarrak..) 20 bat pertsona bildu ginen. Horrela, bertan zeudenei banan-banan galdera hori egin nien, zein euskarazko hitz erabiltzen duzu gazteleraz garagardoren ezaugarri den “amargor” hitza adierazteko?
Galdera irekia izan zen, erantzun posiblerik eman gabe. Erantzunen artean bitxia izan zena, gehiengoak zihur asko erantzuten zuela. Eman ziren erantzunak garratztasuna (7) , mikatztasuna (7) eta mingotstasuna (6) izan ziren.
Dirudienez hiru hitz hauek erabili ohi dira garagardoaren “amargor” ezaugarria adierazteko, eskualdearen arabera bat edo beste maiztasun handiagoaz erabiliz.
Hori dela eta, hemendik aurrera hiru hitzak erabiliko ditut blogean, baina hala ere, zuen iritzia jakitea gustatuko litzaidake.
Zein euskarazko hitz erabiltzen duzu gazteleraz garagardoren ezaugarri den “amargor” hitza adierazteko? Erantzunak Facebook, twitter, bloga edo garagardoahotsa@gmx.com bitartez eman ditzakezue. Erantzuna ematean zein herritakoak zareten jartzea eskertuko nizueke.
Egun ona izan!
Gaur banatu behar genituen “El arte de la cerveza sana” jaialdira joateko 2 sarreren zozketako zenbakiak baina parte hartu nahi izan duzuenetako batzuk Facebook-eko web orriko sarreran klikatu ordez blogeko sarrerakoan klikatu duzue eta bigarrengo hau egin duzuenoi ezin zaituztegu identifikatu.
Horregatik, beste astebete luzatuko da zozketan parte hartzeko aukera. Parte hartu nahi duzuenok Facebook-eko ZOZKETA izenburua duen sarreran “elkarbanatu” edo “compartir” klikatu, twitter bidez zozketako tweet-a elkarbanatu edo garagardoahotsa@gmx.com helbidera mezu bat idatzi zozketan parta hartu nahi duzuela esanez.
Zorte on!
[youtube]http://www.youtube.com/watch?v=yDfzkaj5ezE[/youtube]