Atzo 2013 urtean gustura edan ditudan 5 garagardo izendatu nituen blogean eta gaur beste bostekin natorkizue:

6. – Hadouken (Tiny Rebel)  Estiloa: Inperial IPA   Alkohola: % 7,4

IPA zalea bazara, Inperial IPA hau gustatuko zaizulakoan nago. 3 Amerikar lupuluk dira zitriko usainak ematen dizkiotena garagardo honi, karamelu usainak ere aurkitu ditzakegularik. Flabore gozoa, karameluarena zein lupulatua, bukaera lehor eta mikatz batekin.

7.- Rocky Head (Pale Ale)   Estiloa: Pale Ale amerikarra   Alkohola: % 6,5

Londresko garagardo enpresa txiki eta berria da Pale Ale hau ekoizten duena. Ardoaren munduan lan egiten duten bi lankidek martxan jarri duten proiektu interesgarria. Hau da beraiek kaleratutako lehen garagardoa (beste hori bat ere badute orain) eta oso kontutan hartzekoa! Pale Ale oso interesgarria, lupulu usain frutadun oso atseginak, mikatztasun/garratztasun atsegina duena eta duen malta nahasketarekin oso garagardo orekatua eta edateko erraza egiten duena. Bukaera lupulatua du.

8.- Royal Porter a La Taza  ( Nomada Brewing Co.) Estiloa: Inperial Porter  Alkohola: % 10,5

Nomada ekoizleek duten garagardo interesgarriena nire gusturako (garagardo beltzen oso zalea naizelako agian…). Txokolate, bainilla, kafe, karamelu eta alkhol pixka bat ere usaindu daiteke, nahiz eta duen alkohol kopururako ez den asko nabari. Bukaera lehor eta txigortua du. Bikaina iruditzen zait!

9.- Vuur and Vlam (De Molen)  Estiloa: Amerikar IPA    Alkohola: % 6,2

De Molen-ek dituen garagardoek beti ematen dute zeresana eta hau beraien kalitatezko garagardoetako bat da. Amerikar IPA sendo eta orekatua. Oraindik edan ez baduzue, ez bitan pentsatu.

10.- Old Freddy Walker (Moor Beer Company)   Estiloa: Old Ale  Alkohola: % 7,4

Lista bukatzeko Old Ale garagardo beltza dugu. 2004. urtean Ingalaterran gabonetako garagardo txapeldun irten zen. Oso garagardo beltz ona, erraz edaten da, kafe usain eta zapore goxoa, gorputz ona eta bukaera garbie. Alkohola ez da nabari.

Eta zuek? 2013. urtean edandako zein garagardo aipatuko zenituzkete?

Ongi izan!

2013. urtea iada atzean utzi dugu eta urte honetan oso gustura edan ditudan garagardo batzuk gogoratzen jarri naiz, hamar bat minutu beranduago iada zerrendatxo polit bat dudala konturatu naiz eta blogean zuekin elkarbanatzea bururatu zait. Ez da aurten edan ditudan garagardo gustukoenen zerrenda, ez bainaiz guztietaz gogoratzen eta bat baino behiago ahaztu ditudala zihur nago, baina hurrengo zerrendan ageri direnak asko gustatuko zaizkidala argi dago. Ordenak ere ez du garagardo bat edo besterengatik lehentasuna dudala esan nahi. Gaur bost ikusiko ditugu eta bihar beste bost. Ea zer iruditzen zaizuen:

 1. – Ruthless Rye IPA  (Sierra Nevada Brewing Co.)  Estiloa: Rye Beer   Alkohola: 6.6%               

Zekalea erabilita eginiko garagardo oso orekatu. Lupulu usain oso atseginak, pomelo eta beste fruitu usainak nabari dira, belar zein ogi usainak ere bereiztu ditzakegularik. Oso errez sartzen da eta lasai-lasai hartzeko garagardo bikaina da!

2.- Wild Turkey Bourbon Barrel Stout (Anderson Valley Brewing)  Estiloa: Oatmel Stout                                                          Alkohola: % 6,9

Garagardo hau benetan erakargarria da Stout eta garagardo beltzak gustuko dituen edonorentzat. Hiru hilabetez heltzen da garagardo hau Wild Turkey egurrezko whisky kupeletan, bainilla zein egur usainak gehitzen dizkiona dizkiona Stout-ak dituen txokolate eta txigorturiko garagar malta usainei. Paregabea!

3.- Export Stout London 1890 (The Kernel)  Estiloa: Export Stout  Alkohola: %7,2

Stout oso sendo eta orekatua, kafe usain oso atsegina, bainilla pixka batekin ere. Oso atsegina ahoan, sentsazio oliotsua, mikatztasun belartsua baina astringentziarik gabe. Postre bikaina!!!

4.- Black Betty (Beavertown)  Estiloa: IPA beltza   Alkohola: % 7,4

IPA baten fruta usainak Magnum, Columbus, Chinook eta Citra lupuluei esker, garagardo beltz batek ematen dion txokolate eta txigortu usainekin batera.  Oso orekatua, bukaera lupulatu atsegin bat uzten duena.

5.- IPA Simcoe Centenial Motueka (The Kernel) Estiloa: Amerikar IPA  % 6,4

The Kernel enpresaren IPA bertsio onenetarikoa, adituak dira Pale Ale zein IPA-k egiten eta garagardo hau da adibide on bat.

Bihar beste bostak ikusiko ditugu!

Ongi izan!

Localbier artisau garagardo eta ekoizle txikien bilatzaileak fabrika propiorik ez duten ekoizleak bilatzailean desberdintzeko proposamena egin du blogean. Proposamen honek aurretik Localbier-en blogean plazaratutako eztabaida ireki batetan pertsona zein erabiltzaile desberdinek elkarbanatutako iritzi edo ikuspuntu desberdinetan du oinarria.

Hiru talde orokorretan desberdindu dira fabrika gabeko garagardo ekoizleak:

– Ekoizturiko fabrika tokia izendatuz (Elaborado en…), beste fabrika batetan ekoizten duten garagardogileen kasuan eta ekoizleak berak lehen eskutik emaniko informazioan oinarrituz.

– Hirugarrengo batek ekoiztuta (Elaborado por terceros) Fabrika propiorik gabe ekoizten duten garagardogileen kasuan eta bilatzaileak ekoizlearen eskutik non ekoizten duen jakiterik lortzen ez duenean.

– Gipsy Brewer terminoa erabiliko da fabrika desberdinetan ekoiztu ohi duten garagardo ekoizleentzat, beraiek fabrikarik eduki gabe.

Localbier-ek lehen proposamen ireki bat dela dio honakoa, hasiera batetan bilatzaileko informazioa pixka bat txukunago azaltzen lagunduko duena erabiltzailearentzat. Horretaz gain, hiru termino hauen barnean bere burua kokatzen ez duen fabrikarik gabeko ekoizle konkretuen kasuen inguruan ere baliozko formula bat bilatzeko prest daudela dio.

Hemen duzue Localbier-en blogean honen inguruan idatzitako sarrera: Valoración del debate “Productores con y sin instalaciones propias”