Kategoriaren artxiboa: Sailkatugabeak

II. Urteurrena!

-n -kargitaratuta

Bi urte bete ditu Garagardo Ahotsak gaur eta gaurko hitzak blogeko irakurleoi oparitxo bat eskatzeko erabiliko ditugu.

Blogak garagardo mundua euskaraz zabaltzea du helburu. Hitzak, argazkiak, bideoak, bertsoak eta blogean agertzen diren beste hainbat gauza garrantzitsuak dira horretarako baina ZURE ESKU dago mezua harago iristea. 

Gaurko hitzak zure familia, lagun, lankide eta ezagunei Garagardo Ahotsa-ren berri emateko erabili nahi ditut:

   Facebook: http://garagardoahotsa.com/ (Kopiatu eta zure horman itsatsi dezakezu)

  Twitter: @Garagardoahotsa garagardoaren inguruko euskarazko blog bat da eta 2 urte bete ditu!

  Lagun eta ezagunekin elkarrizketa horrela hasiz: “Ba al dakizu Garagardo Ahotsak bi urte bete dituela…”

 Whatsup: Jende askok erabiltzen omen du hau egunero… aurreko elkarrizketa hasi dezakezue baita hemen 🙂

“Irakurtzeak ezagutzarekin jolasteko aukera ematen du eta irakurritakoa partekatzeak jolasa amaigabe egin”

 

P.D: Nire anaia ere gaur kalean ikusiz gero zoriondu! Bere urtebetetzea da gaur eta!! Zorionak Eneko!! 😉

AGENDA: Apirila

-n -kargitaratuta

Apirileko bigarren hamabostaldia ekintza ugariz betea dago eta hemen duzue laburpentxo bat:

APIRILAK 20 (11:00etan) : ETXEKO GARARAGARDO EGILEEN I. BILKURA  

                                        Non: Goieskola, Larrezabaleta 4 (Oiartzun)

                                        Egitaraua:

· 11:00tan= Aurkezpena eta hitzaldia garagardoa egiten dugun bitartean.
· 12:30tan= Tailerra: Lupuluen infusio dastaketa (ekarri zurea!).
· 13:30tan= BAZKARIYEEAH; Beganoa edota haragijalea.
· 16:30tan= Etxean egindako garagardoen aurkezpena eta dastaketa (Tira, hau egun osoan zehar izango da…)
· 17:30tan= TAILLERA-HITZALDIA: Garagardoa dastatzeko gomendioak
 
                                Konfirmatzeko epea: Apirilak 18 (Email: goikodastaketa@gmail.com)
 
 
APIRILAK 22 eta 23: IRUNGO ATSEGINA-REN 91. URTEURRENA
 
“Irungo Atsegina” eta “Boulevard garagardotegiak” garagardoaren inguruko 2 eguneko jardunaldia antolatu dute
 
                      Apirilak 22 (20:00etan): Garagardo dastaketaren hastapena (Erik Coene) jateko pintxoez lagundua.
                     Apirilak 23 (20:00etan) : “Craft breweries” bezala izendatu duten garagardo-janari dastaketa berezia Irun+Gastronomia taldeak prestaturiko pintxoekin.
 
                    Prezioa: 20 euro egun bakoitzeko edo 35 euro bi egunetan joan nahi ezkero.
                    Izen ematea eta informazio gehiago: Boulevard Garagardotegia (Anzaran  Enparantza 11, Tlf: 943536918) edo  sociedad@irungoatsegina.org
 

 

APIRILAK 27 (13:00- 19:00): GARAGARDO UZTARTZE BAZKARIA

                                              Non:  Euskal Gastronomi Anaiartea

                                                        Elvira Zipitria z/g (Donostia) 

                                              Prezioa: 35 euro               

Euskal Gastronomia Anaiarteko Euskararen Taldeak, “Never Stop Beer” garagardotegi donostiarrarekin elkarlanean, estreinakoz eta soilik euskaraz gauzatuko den GARAGARDO UZTARTZE BAZKARIA antolatu du.

 

Atzerriko botilen etiketako informazioa ulertzen

-n -kargitaratuta

Pasteurizaziorik jasan ez duten eta botilan emandako hartzidura bat izan duten garagardoak atzerrian identifikatzea batzutan ez da hain erraza, bertako hizkuntzetan idatzita egoten baita informazioa normalean.

Ingelesez bottle conditioned hitzak erabili ohi dira, botilan emandako bigarren hartzidura batez “egonkortu” dela esan nahi du.

Alemanieraz mit hefe (legamiarekin), Flaschengärung (botilan hartzitua)  edo natürtrub (berezko “sedimentuak”) hitzak erabili ohi dira.

Holandesez op gist eta met gist terminoek legamiarekin esan nahi dute.

Belgikako garagardoen kasuan frantsesez edo flandeseraz idazten dute: sur levure, sur lie eta op gist (legami sedimentuarekin esan nahi dute hirurek) eta refermentée en bouteille, fermentation en bouteille, hergist in de fles eta nagisting in de fles (botilan hartzidura jasanda)

BEERTSOTAN! Xabier Perez (Legorreta)

-n -kargitaratuta

Aitua nuen Londresen
garagardo_ona ote zen
baina gehiago, gauza hobeak
topatu nituen
Iñigo ta Gari zeuden
euskaldun asko hain zuzen
jende jatorra, lagun handiak
han egin nituen.

Behin ezagutu ta gero
garagardo batzuk edo
hartu genitun, denok batera
orduan bai bero
san fermin eguna ero
gogoan dut aldiero
eskerrik asko, segi lanean
hortxe egunero.

Euskal kultura zabaldu
ez gaitzatela zapaldu
lan horretantxe erreferente
zerate bihurtu.
beste kulturak uztartu
ta garagar uzta hartu
bañera baten zerbeza pixkat
arren preparatu