2013. urtea iada atzean utzi dugu eta urte honetan oso gustura edan ditudan garagardo batzuk gogoratzen jarri naiz, hamar bat minutu beranduago iada zerrendatxo polit bat dudala konturatu naiz eta blogean zuekin elkarbanatzea bururatu zait. Ez da aurten edan ditudan garagardo gustukoenen zerrenda, ez bainaiz guztietaz gogoratzen eta bat baino behiago ahaztu ditudala zihur nago, baina hurrengo zerrendan ageri direnak asko gustatuko zaizkidala argi dago. Ordenak ere ez du garagardo bat edo besterengatik lehentasuna dudala esan nahi. Gaur bost ikusiko ditugu eta bihar beste bost. Ea zer iruditzen zaizuen:

 1. – Ruthless Rye IPA  (Sierra Nevada Brewing Co.)  Estiloa: Rye Beer   Alkohola: 6.6%               

Zekalea erabilita eginiko garagardo oso orekatu. Lupulu usain oso atseginak, pomelo eta beste fruitu usainak nabari dira, belar zein ogi usainak ere bereiztu ditzakegularik. Oso errez sartzen da eta lasai-lasai hartzeko garagardo bikaina da!

2.- Wild Turkey Bourbon Barrel Stout (Anderson Valley Brewing)  Estiloa: Oatmel Stout                                                          Alkohola: % 6,9

Garagardo hau benetan erakargarria da Stout eta garagardo beltzak gustuko dituen edonorentzat. Hiru hilabetez heltzen da garagardo hau Wild Turkey egurrezko whisky kupeletan, bainilla zein egur usainak gehitzen dizkiona dizkiona Stout-ak dituen txokolate eta txigorturiko garagar malta usainei. Paregabea!

3.- Export Stout London 1890 (The Kernel)  Estiloa: Export Stout  Alkohola: %7,2

Stout oso sendo eta orekatua, kafe usain oso atsegina, bainilla pixka batekin ere. Oso atsegina ahoan, sentsazio oliotsua, mikatztasun belartsua baina astringentziarik gabe. Postre bikaina!!!

4.- Black Betty (Beavertown)  Estiloa: IPA beltza   Alkohola: % 7,4

IPA baten fruta usainak Magnum, Columbus, Chinook eta Citra lupuluei esker, garagardo beltz batek ematen dion txokolate eta txigortu usainekin batera.  Oso orekatua, bukaera lupulatu atsegin bat uzten duena.

5.- IPA Simcoe Centenial Motueka (The Kernel) Estiloa: Amerikar IPA  % 6,4

The Kernel enpresaren IPA bertsio onenetarikoa, adituak dira Pale Ale zein IPA-k egiten eta garagardo hau da adibide on bat.

Bihar beste bostak ikusiko ditugu!

Ongi izan!

Localbier artisau garagardo eta ekoizle txikien bilatzaileak fabrika propiorik ez duten ekoizleak bilatzailean desberdintzeko proposamena egin du blogean. Proposamen honek aurretik Localbier-en blogean plazaratutako eztabaida ireki batetan pertsona zein erabiltzaile desberdinek elkarbanatutako iritzi edo ikuspuntu desberdinetan du oinarria.

Hiru talde orokorretan desberdindu dira fabrika gabeko garagardo ekoizleak:

– Ekoizturiko fabrika tokia izendatuz (Elaborado en…), beste fabrika batetan ekoizten duten garagardogileen kasuan eta ekoizleak berak lehen eskutik emaniko informazioan oinarrituz.

– Hirugarrengo batek ekoiztuta (Elaborado por terceros) Fabrika propiorik gabe ekoizten duten garagardogileen kasuan eta bilatzaileak ekoizlearen eskutik non ekoizten duen jakiterik lortzen ez duenean.

– Gipsy Brewer terminoa erabiliko da fabrika desberdinetan ekoiztu ohi duten garagardo ekoizleentzat, beraiek fabrikarik eduki gabe.

Localbier-ek lehen proposamen ireki bat dela dio honakoa, hasiera batetan bilatzaileko informazioa pixka bat txukunago azaltzen lagunduko duena erabiltzailearentzat. Horretaz gain, hiru termino hauen barnean bere burua kokatzen ez duen fabrikarik gabeko ekoizle konkretuen kasuen inguruan ere baliozko formula bat bilatzeko prest daudela dio.

Hemen duzue Localbier-en blogean honen inguruan idatzitako sarrera: Valoración del debate “Productores con y sin instalaciones propias”

Gaurkoan The Kernel artisau garagardo enpresaren inguruko aipamen bat egin nahiko nuke. Ez naiz beraien garagardoen inguruan arituko.

Beraien lan egiteko/antolatzeko filosofia edo modua azaldu nahi dut guk lanarekiko dugun erlazioaren inguruan hausnarketa bat egitearren.

Zazpi pertsonek egiten dute lan The Kernel-en eta astean lau egun egiten ditu lan bakoitzak, egun hauetako bat larunbatetan egin ohi duten “ate-ireki” eguna delarik (duela 7-8 hilabete hala egiten zuten lan behintzat). Kide guztiek dakite garagardoa ekoizten eta egin behar guztiak aurrera eramaten ere.

Artisau garagardo enpresa askorean “jabeak” enpresaren sortzaile zein bertako langile izan ohi dira. Sorturiko enpresa beraiena izanik, norberaren baitan egon ohi da (beste sektore batzuetako enpresa txiki berri askoren kasuan bezala) erabaki guztiak, lan antolamendua hauetako bat izanik.

Egia da proiektu berri guztien hasierek esfortzu extra bat behar izaten dutela lehenengo hurratsetan, baina kontutan hartzen al da/dugu ondoren zenbat denbora eskainiko diogun?

Zein da nik lan egitearen helburua? Eguneroko bizitzan ditudan “beharrak” pertsonalak al dira edo inguruak sortutakoak? Astean 5-6 egunetan lan egin nahi al dut gizarteak iada hori “normaltzat” bezala jotzen duelako? Lau egun lan eginda ez al litzateke nahikoa izango nire beharrak edo enpresaren “egin beharrak” aurrera eramateko?

Alternatiba asko dago. Garrantzitsuena norberak zenbat energia eskaini nahi dion lanari eta nola antolatu nahi duen bere lana planteatzea dela iruditzen zait. Desberdinak gara eta behar zein bizimodu desberdinak ditugu guztiok, hortaz, zergaitik dugu lanaldi estandar bat gehiengoak ?

Denbora gurea da, izan gaitezen hortaz gu gure behar eta nahien arabera denbora hori kudeatzearen arduradun.  

Gora London Export Stout 1890!

Hemen daude berriz ere Irungo Boulevard garagardotegiko lagunak garagardo-janari dastaketa interesgarriak antolatuz.

Oraingoan TO OL enpresa Danimarkarraren 4 garagardo desberdin janariarekin batera dastatzeko aukera izango da.

Tokia: Boulevard garagardotegia (Irun, Gipuzkoa)

Ordua: 20:00

Prezioa: 15 euro

Izen ematea:  Tabernako kideekin harremanetan jarri (Abenduak 6a azken eguna)