Holandan pasatako egunetako bat De Molen ekoizlea bisitatzeko probestu genuen.

De Molen artisau garagardo enpresa Menno Olivier-ek sortu zuen 2006. urtean, hamabi urtetan artisau garagardoa ekoizten lan egin ondoren. Garagardo fabrika errota (De Molen holandesez ) historiko batetan (XVII. mende bukaera aldekoa) kokatu zen hasieran batetan, gaur egun jatetxe eta garagardo denda bat dituena. Jatetxe honen jabea desberdina da orain baina oraindik elkarlanean jarraitzen duten De Molen-ekoekin, beraien 10 kupeleko garagardo aurki daitezkeelarik bertan.

2009. urtean Menno Olivier bazkide berri batekin hasi zen lanean De Molen proiektuan: John Brus.

Kokalekua: Doortocht 4, Bodegraven (Herbehereak)

25 Hl (2500 l.) ekoizpeneko bolumena egiteko gaitasuna duen txekiar jatorriko makinaria bat dute, beraien garagardo motak egiteko espreski diseinatua, 2010. urteaz geroztik. 25-50 Hl-tako ekoizpenak egiten dituzte eta ia egunero ekoizten dute, iaz 4000 Hl ekoiztu zituztelarik. Aurten 5000 Hl inguru ekoiztea espero dute. Ekoizpenaren %75-a atzerrira bidaltzen dute, guztira 30 herrialde desberdinetara hain zuzen ere.

Beratze/egoste ontzia, iragazpen ontzia eta Whirlpool bat dituzte… horretaz gain, hartzidura ontzi zilindrokoniko asko dituzte, horietatik 6-k 50Hl garagardo biltzeko gaitasuna dute eta beste bik 100 Hl biltzeko gaitasuna. Bitxikeri moduan, ba al dakizue hartzira ontzietan Star Wars filmeko pertsonaien argazkiak jartzen dituztela (bideoa ikusi)? Hartzidura ontzi txikiagoak ere badituzte beraien egurrezko kupeletan heltzen dituzten garagardoentzat. Garagardo mota hauek egurrezko kupel hauetan denbora luzean heldu ondoren, hartzidura ontzietara pasa eta bertan  karbonatatzen dituzte.

Garagardoak: 

Garagardo estilo ugari ekoizten dituzte. Hauetatik 20 bat garagardo desberdin erregularki egiten dituzte (IPA, barleywine, english bitter, amerikar Pale Ale, Errusiar Inperial Sout…). Vuur and Vlam IPA garagardoa da ezagunenetako bat,  hiru momentutan; egosketan, Whirlpool-ean eta hartzidura hontzian Dry Hop-a eginez gehitzen diotelarik lupulua. Hauetaz gain, garaiko garagardoak zein aurretik sekula egin ez dituzten garagardoak ere ekoizten dituzte bi hilabetero.

Garagardo Jaialdia

Bost urte dira Iraila bukaeran garagardo jaialdi bat antolatzen dutela eta lehenengo urtean 500 pertsona gerturatu baziren, iaz eta inolako publizitaterik egin gabe (ahoz ahokoa bakarrik) 4500 pertsona inguru gerturatu ziren. “Aurkikuntzen” jaialdi bat izan nahi dutela diote, hau da, zapore berriak, garagardo berriak eta ekoizle berriak aurki daitezke bertan.

Behin fabrika ikusten bukatu ondoren, egurrezko Cognac kupeletan heldutako Nacht and Ontij Inperial Stout garagardo esklusiboa eta egurrezko kupeletan heldutako Sodom and Gomorra Inperial Stout garagardoak oparitu zizkidan… Bideoa agertzen diren bi garagardoak dira…A ze parea!!! Somo and Gomorra bereziki…

Herbehereetako kontuekin jarraitzen dugu astelehen honetan eta oraingoan bi artisau garagardo enpresek beraien komunitatearekiko ardura beraien egunerokotasunean nola lantzen duten ikusiko dugu.

Joan den astean aurreratu genuen bezala, Amsterdam hirian kokatuta dagoen De Prael artisau garagardo enpresa zein Bodegraven-go De Molen ekoizleak bisitatzeko aukera izan genuen. Gustatuko litzaigukeena baina zailtasun handiagoarekin baina gure artean badugu bi ekoizle hauen garagardoak aurkitzeko aukera. Zihurrenik zuetako batek baino gehiagok ezagutzen dituzue hauetako ekoizleren baten garagardoak.

Bi ekoizle hauek gizartean edo lan munduan toki bat edukitzeko zailtasun handiagoak dituzten bi “kolektibo” desberdinetako pertsonak dituzte beraien langileen zerrendetan.

De Prael-en kasuan, proiektu sozial bat dute, non bizi berri bat hasi nahi duten pertsona desberdinak, lana aurkitzeko zailtasunak dituztenak,  espetxetik atera berriak direnak eta nondik hasi ez dakitenak… garagardo ekoizpen prozesuko eginbehar batzuetan parte hartzen duten, ogibidea gutxinaka ikasiz.

De Molen-en kasuan, adimen urritasuna duten pertsonek makinariak etiketatu ezin dituen botila edo etiketa bereziei etiketak jartzen egiten dute lan.

Bits eguna ospatuko da Mungian bihar egun osoan zehar. Mungiako Rugby Taldea da antolatzailea eta aurtengoa da Mungian ospatzen den lehenengo artisau garagardo festa.

Kokalekua: Atxurizubi Kalea, Mungia

Data: Maiatzak 24 egun osoan zehar

Bertan jendeak gure inguruko artisau garagardo marka desberdinen garagardoak edateko aukera izango du: Etxeandia, Tito Blas, Baias, Zerb, Falken, Drunken Bros., Marbi eta Olañeta.

Edaten duzun garagardo bakoitzeko “Ohiko jokoak” izeneko jolas desberdinetan parte hartzeko aukera ematen duen “txartel” bat jasoko duzu. Joko hauetako bat, Kata-gargantua, 5 garagardo desberdintzeko gai zaren ikusteko prestatu dute.

Hurrengo mapan artisau garagardo festa ospatuko den kalearen kokalekua duzue.

Herbehereak eta bere hiriburua den Amsterdam “coffee shop” zein bere “kale gorri”-engatik izan da aspalditik oso ezaguna. Turista asko erakarri izan du eta erakartzen jarraitzen du gaur egun.

Bada baina iada ere beste errealitate bat herrialde honetan bertako hiri edo herriak bisitatzeko aitzakia bat ematen diona edozein garagardo zaleri: goruntz doan artisau garagardo mugimendua.

Hala da, Herbehereak ere artisau garagardo mugimendu bat jasaten ari dela esan beharra dago, gure inguruan gertatzen ari den antzera, ekoizle txiki berri asko sortu dira azken bost urte hauetan, hirietako taberna zein dendetan gargardo desberdinen eskaintza asko handitu delarik. Belgikako garagardo trapistak zein abadiakoak aurkitzea oso erraza da taberna askotan, oso hedatuak daude, baina oraintxe bertan esan bezala, hauetaz gain  bertako artisau garagardo ekoizle txikien garagardo geroz eta gehiago dago.

Herbehereak herrialdeko biztanleria 16 788 973 pertsonakoa zen 2013. urteko Urrian  Centraal Bureau voor de Statistiek-ek «Population and population dynamics; month, quarter and year» txostenean bildutakoaren arabera, eta gaur egun 200 garagardo ekoizle baina gehiago daude lurralde osoan zehar, hauetatik 15 Amsterdam hirian (Biztanleria 2011.urtean 779,808 ) bertan daudelarik.

Jarraitu irakurtzen →