Kategoriaren artxiboa: oineko hartzidura

SAILKAPENA: PILSEN (II) Alemaniar eta Txekiar Pilsen garagardoen desberdintasunak

-n -kargitaratuta

Pilsen garagardoak aurkeztu genituen iada bere garaian, baina gaur pixka bat gehiago sakonduko dugu estilo honetan, Alemaniar eta Txekiar azpiestiloen arteko desberdintasunak ikusiz.

Bohemian Pilsner edo Txekiar azpiestiloko Pilsen garagardoek erabiltzen duten ur suabeagoa (sulfato eta karbonato gutxiagokoa) dela eta, Alemaniar estiloko Pilsen garagardoek baino garratztasun suabegagoa eta usain eta flabore intentsoagoak aurki daitezke.

Usain eta garratztasun hau Saaz izeneko lupulua erabiliz lortzen da, Txekiar Pilsen-en bereizgarri den lupulua.

Kolore ilunagoa eta zapore biziagoa izaten dute Alemaniar Pilsen-ekin alderatuz, ekoizpen prozesuan beratze eta egosketa prozesuak denbora luzeagoz ematen baitira.

Pilsen Urquell, Gambrinus Pilsen eta Czech Rebel dira txekiar estiloko garagardoen adibide.

Alemaniar Pilsen-ak (nahiz eta Alemania iparraldekoak eta hegoaldekoak desberdindu ditzakegun) garagardo lehorragoak izan ohi dira garagardoa ekoizteko erabiltzen duten urak sulfato gehiago baitu, atenuazio gehiago lortu daitekeelarik hartziduran.

Txekiarrak baina argiagoak dira ere eta Alemaniako lupulu nobleak erabiltzen dira (Hallertauer, Spalt eta Tettnanger).

Krombacher, Bitburger, Warsteiner, Beck’s… dira alemaniar Pilsen azpitaldeko adibide batzuk.

GARAGARDO KETUA (Rauchbier)

-n -kargitaratuta

Garagardo honen berezitasuna eta izena bera malta lehortzeko erabiltzen den prozesuari zor zaio. 1516. alemaniar purutasun legea jarraituz ekoizten da.

Garagardo ekoizleak malta erabili aurretik, malta honek lehorketa bat jasan ohi du  maltategian. Hau aire bero bat pasaz egiten da, baina garagardo mota honen kasuan, malta lehortzen duena (24-36 ordu bitartean) pago egurraren erreketan sortzen den kea da.

Garagardo estilo honetan bi azpiestilo aurki ditzakegu, Märzen eta Urbock. Beraien ezaugarriak zertxobait desberdinak direnez, bi egun desberdinetan ikusiko ditugu, eta Märzen azpiestiloarekin hasiko gara gaur:

Schlenkerlaren Märzen garagardo ketua

Hartzidura mota: Oineko hartzidura

Jatorrizko dentsitatea: 13,5 ºP

 Malta: Pago egurraren erreketan sortutako kearekin lehortutako garagar malta.  

Kolorea: 50 EBC

Alkohol edukia: % 5,4.

Lupulua: 30 IBU-ko garratztasuna ematen dio lupuluak.

Babaria iparraldean dagoen Bamberg hiriko garagardo tipiko bat da. Malta ketuaren usaina oso nabaria da, lupuluarena ezkutatuz.

GARAGARDO BELTZA (Schwarzbier)

-n -kargitaratuta

Garagardo beltzez hitz egitean, gauzatxo bat argi uztea ezinbestekoa da. Gaur egun beltza bezala ezagutzen diren garagardo asko berez STOUT garagardoak dira. Stout garagardoak azaleko hartziduraz ekoizturiko garagardoak dira, eta normalean garratztasun handikoak. Garagardo beltzak bezala ezagutzen direnak (Schwartzbier) ordea, oineko hartziduraz ekoizten dira, eta ez dute zertan hain garratzak izan behar. Gainera, garagardo beltz izena, Badköstritz (Alemania) herrian jarraitzen duten estiloaren arabera eginiko garagardoei jartzen zaie.


Hartzidura mota: Oineko hartzidura

Jatorrizko dentsitatea: 11,5 -11,8

Malta: Pilsen malta eta baita ilunagoak diren malta txigortuak.

Kolorea: 100 -150 EBC, beltza.

Alkohol edukia: % 4,8 – 5,5 inguruan dabiltza.

Garratztasuna: 22 -32 EBC tartean dabil.

Garagardo beltza

Ekoizpen prozesuan erabilitako maltak direla eta, zapore txigortu bat du garagardo mota honek.  Kafe, txokolate edota erregaliz usainak nabariak izaten dira.

 

MUNICH GARAGARDOAK – Münchner Dunkel

-n -kargitaratuta

“Dunkel” hitz alemanak iluna esan nahi du. Munich-eko garagardo tipikoa da eta II. mundu gerrararte egunero edaten zen gargardoa.

Beheko datuetan ikusi daitekeen bezala, Lager normalak baino potenteagoak dira.

 

Hartzidura mota: Oineko hartzidura

Jatorrizko dentsitatea: 11,8 -13

Malta: Pilsen malta % handiena, munich malta, eta beste malta mota batzuk ehuneko txikian erabili ahal izanik.

Kolorea: 30 -40 EBC, kolore gorri-marroixka eta marroi ilunaren artekoa, munich malta dela eta.

Alkohol edukia: % 5 – 5,5 inguruan.

Garratztasuna: 18-20 EBC tartean dabil, garratztasun gutxiko garagardoa izanik.

Beheko argazkian ikusi daitken Augustiner Dunkel estilo honetako garagardo bat.

Augustiner Dunkel

Munich maltak garrantzi handia du estilo honetako garagardoaren ezaugarrietan, honek ematen dion munich malta usaina bereizgarria izanik. Gozotasun apur bat du eta karamelu usain pixka bat nabaritu dezakegu.