Kategoriaren artxiboa: edalontziak

Stout garagardoa edateko edalontzi berria

-n -kargitaratuta

Stout garagardoak  espreski edateko edalontzi bat diseinatu dute Spiegelau edalontzi ekoizleak  eta Rogue Ales eta Left Hand Brewing artisau garagardo ekoizleek elkarlanean.

Bi garagardo ekoizle hauek stout eta garagardo ilunak egiten oso adituak dira eta Spiegalau enpresak proiektu honetan parte hartzeko proposamena egin ondoren bitan pentsatu gabe eman zuten baiezkoa.stoutglass

Hilabeteetan zehar ehundaka edalontzi forma desberdin hartu omen dituzte kontutan eta ekoizleek “C prototipoa” (argazkikoa) aukeratu zuten beste zazpi edalontzi aukeratuen artetik.

Edalontzi honek Stout garagardoak definitzen dituen malta txigortua, kafea eta txokolate usainak nabarmentzen ditu Spiegalau IPA edalontziaren funtzionalitatea mantentzen duen bitartean.

Hurrengo bideoan edalontziaren inguruan hitz egiten dute garagardo ekoizleek:

Samuel Adams Boston Edalontzia

-n -kargitaratuta

Aurretik ikusia dugu blogean Dogfish eta Sierra Nevadaren elkarlanetik jaio zen IPA garagardoak edateko edalontzia eta gaurkoan Samuel Adams garagardo enpresak beraien Boston Lager garagardoa edateko espreski diseinatu duten garagardo edalontzia ezagutuko dugu.

Proiektu hau Jim Koch (Samuel Adams enpresaren sortzaileetako bat) , TIAX senory eta Rastal edalontzi enpresak egin dute posible.

saourglass010312--en--f1b52ba2-aebd-4387-ba11-698bd5120ea5

1- Kanporantzako gainkaldeak garagardoa ahosapaira bideratzen laguntzen du maltaren gozotasuna intentsitate handiagoaz gozatzeko.
2- Zati estu honek lupulu usainak eta aparra hobe mantentzen ditu.
3- Forma borobilduak usainak biltzen ditu.

4- Pareta finagoak eta forma borobilduak tenperatura egokia luzaroagoan mantentzen du.

5- Behekaldean laser bidez eginiko grabatuak usain konstatea edukitzen laguntzen duen burbuilak sortzen ditu.

Jim Koch-ek beraien Boston garagardoa edalontzi honetan edatean  eta ikusi ditugun ezaugarrien laguntzaz hurrengo sekuentzia du helburutzat: Gorputzarekin hasten da, ondoren gozotasuna sentitzen duzu, gero pikantea eta mikatztasuna bukatzeko.

IMG_0352

Argazkia: http://conorslastdrop.blogspot.com

EDALONTZIAK: Amerikar IPA-k edateko diseinatu berri den edalontzia

-n -kargitaratuta

Amerikar IPA garagardo lupulatuak gustuko dituen edonor poztuko duen berri bat dakarkigu gaur.

EEBB-tako Sierra Nevada eta Dogfish Head Craft Brewery artisau garagardo enpresek amerikar IPA garagardoak dituzten ezaugarriak bere onenean gozatzeko edalontzi berri bat diseinatu dute Spiegelau enpresarekin batera.

IPA edateko diseinaturiko edalontzia

Amerikar IPA-k edateko pentsatua dagoen edalontzi honek ezaugarri hauek ditu:

– Pareta fina tenperatura egokia denbora luzeagoan mantentzeko.

– Lupuluen usainen intentsitatea handitzeko forma kurbatua du, goiko aldea estuagoa delarik.

– Uhin formak dituen behekaldea du, garagardoa botatzean eta edatean aireatu ahal izateko.

– Sudurra sartzeko moduko zabalera duen goiko aldea.

– Laser bidez eginiko logo bat du edalontzi oinaren barruko aldean (nukleazioa sortuz) karbonatazio aktiboa mantentzeko eta aparrak denbora luzeago iraun dezan.

Hona hemen Ken Grossman (Sierra Nevada), Sam Calgione (Dogfish) eta Spiegelau enpresako kideak edalontzi hau diseinatzearen inguruan hitz egiten (ingeleraz da).

[youtube]http://www.youtube.com/watch?v=w0sglokhBYM[/youtube]

EDALONTZIAK (X): Stange edalontzia

-n -kargitaratuta
Edalontzi mota hau Alemaniako eskualde askotan erabili izan den eta oraindik ere garagardo mota batzuk edateko erabiltzen den edalontzi bat da. “Stange” hitza alemaniarra da eta makil edo barra esan nahi du.

Argazkian ikusi daitekeen bezala, edalontzi estu eta zabalera konstantekoa da. Delikatuagoak diren garagardoak edateko erabiltzen da, garagardoak dituen malta eta lupuluen ezaugarriak indartzea lortzen delarik.

Edalontzi mota honen formaren abantailetako bat, garagardoak eduki ditzakeen usain iheskorrak kontzentratuagoak mantentzen dituela da.

Hurrengo garagardo motak edateko egokia da: Kölsch, Altbier, Bock, Txekiar Pilsener-a, Lambic garagaroak (Faro,Gueuze, fruta zaporedunak etab.), garagardo ketua etab.