Homebrewer lehiaketa bat antolatu da irailean Irunen ospatuko den Txingudi Beer Week garagardo jaialdiaren barnean (Estebenea, Boulevard garagardotegia, Zapiain distribución eta Localbier dira antolatzaileak). Bi kategoria desberdinetan parte hartzeko aukera izango du etxean garagardoa egiten duen edonork: Freestyle (estilo librea) eta Amerikar Pale Ale kategoriak.

Freestyle kategorian edozein garagardo motarekin parte hartzeko aukera dago (eta baita garagardo estilo batean sartu ezin daitekeen garagardo batekin ere) baina epaimahaiak hurrengo ezaugarriak kontuan hartuko dituela jakitea garrantzitsua da: Usaina, zaporea, berrikuntza, edangarritasuna eta garagardoa orokorrean nola ikusten duten.

Amerikar Pale Ale kategorian estilo horretara gerturatzen den garagardo interesgarriena zein den aukeratuko du epaimahaiak.

• Botilak aurkezteko epea: Abuztuak 20 eta Irailak 11 bitartean.
• Botilak aurkezteko tokia: Cervecería Boulevard, Anzaran enparantza 11,
  20301 (Irun, Gipuzkoa)
• Data: 2015ko Irailak 19an erabakiko dira txapelketako garagardo irabazleak.
• Izen ematea: 5 euro.

Txapelketaren inguruko informazio gehiago irakurri eta txapelketaren oinarriak zeintzuk diren jakiteko Txingudi Beer Week web guneko orria duzue.

The Art Of Beer garagardo festa ospatuko da gaur eta bihar (Maiatzak 15 eta 16) Bilbon.

15 gargardo marka desberdinek eskainitako 25 garagardo mota baina gehiago aurkitzeko aukera izango du bertara inguratzen denak. Musika zuzenean, garagardo dastaketak, erakusketak eta sektoreko profesionalen hitzaldiak ere antolatu dira.

Data eta ordua: Maiatzak 15 Ostirala  19:00 – 00:00

Maiatzak 16 larunbata 18:00 – 00:00

Festa honetarako sarrerak 6 euro balio ditu eta sarrerarekin batera edalontzi bat eta lehenengo garagardoa hartzeko tiketa lortzen da. Hortik aurrerako garagardoek euro 1 eta 2 euroko prezioa izango dute.

Moonshine Wagon, Pavones DJ, Charles cooper txop music quartet eta Unlimited sounds izango dira jaialdiari musikarekin alaitzeaz arduratuko direnak.

Parte hartzaileak:

1-Marbi

2-The Angry Brewery

3-Olañeta Garagardoa

4-Ibre Cervezas

5-Garagart

6-Laugar

7-Drunken Bros

8-Falken Brewing Co.

9-Boga

10-Zerb

11-La Salve

12-Dougall`s

13-Bidassoa Basque Brewery

14-Zarautz Beer Company

15-Cervezas Artesanas Portus Blendium Beers s.l.

16-Cervezas Tito Blas

Big Beñat garagardo solidarioa ere edateko aukera izango da The Art Of Beer jaialdian.

Etxean garagardoa egiteko ikastaroa gidatuko du Maiatzak 9an Lupulu.com-ek Emaneurrek antolatuta Ordizian.  Euskal Herriko artisau garagardo festaren barnean  antolatutako ekintza bat izango da.

Data eta ordua: Maiatzak 9, Larunbata (9.00-13.00)

Tokia: Ordiziako D´Elikatuz zentroa

Izen ematea: Ordiziako Kirkil taberna (25 euro)

Lupulu.com etxean garagardoa egiteko tailerrak antolatu eta garagardoa etxean egiteko KIT-ak saltzen dituen webgunea da. Hortaz, asteburu honetan Ordizian egingo den tailerrean parte hartzerik ez baduzu, baina zure elkartean edo lagun artean horrelako ikastaro bat egin nahi izanez gero, Lupulu taldearekin harremanetan jartzea besterik ez duzu.