LUPULU MOTAK: TETTNANGER lupulua

Lupulu mota hau bere izenak dioen bezala, Tettnanger eskualdean ekoizten da. Oso usain delikatua duen lupulua da. Konstanza lakuaren inguruan dagoen klima egokiari esker, errendimendu altu eta oso altuak lortzen dira barietate honekin lan egitean.

 

Tettnanger lupulu hosto eta konoa

Jatorria: Alemanian, Babariako Tettnanger eskualdean du jatorria, Konstanza lakuaren inguruan.

Mota: Usaina emateko erabili ohi da gehienbat, baina garratztasuna emateko ere erabili daiteke. Usaina eta flabour-a emateagatik da ezaguna.

Erabilera/kalitatea: Hurrengo garagardo motetan erabili ohi da lupulu barietate hau: Abbey Ale-etan, Amber Lager, Belgika eta Frantziako Ale-etan, Bock, Lager ilunetan, Alemaniako Ale-etan, Lambic, Pale Lager, Pilsner eta garizko garagardoetan.

Ezaugarriak: Loreen usain antzeko bat ematen die garagardoei.

LUPULU MOTAK: PERLE lupulua

Gaurkoan Perle izeneko lupulu barietatea aurkeztuko dugu. Lupulu ekoizleen artean nahiko gogokoa da barietate hau, dituen ekoizpen tasa handiak eta gaixotasunen aurkako erresistentzia direla eta.

Perle lupulu barietatearen hosto eta konoa

Jatorria: Lupulu mota honek Alemanian du jatorria, Northern Brewer eta  63/5/27M lupuluak gurutzatuz sortua. 

Mota: Usaina eta garratztasuna ematen duen lupulua.

Erabilera/kalitatea: Hurrengo garagardo motetan erabili ohi da lupulu barietate hau: Pale Ale, Porter, Stout, Lager, Weizen, Ale, Alt, Kölsch eta Munich Helles (argia).
 
Ezaugarriak: Usain atsegina eta zertxobait pikantea.

Ikusitako beste lupulu batzuk:
Saaz

LUPULU MOTAK: SAAZ lupulua

Aurreko atal batean aurkeztu genuen iada lupulua. Mota desberdinak daudela komentatu zen, garratztasuna gehienbat ekartzen duten lupuluak, lupulu usaintsuak eta bien arteko lupuluak. Talde bakoitzaren barnean barietate ugari dago, eta gaurkoan SAAZ lupulua aurkeztuz hasiko gara.

Saaz lupulu hosto eta konoa

Jatorria:Lupulu mota honek Txekiar Errepublikan du jatorria eta bere aromen kalitate altua dela eta da ezaguna.

Mota:  Lupulu usaintsua.

Erabilera/kalitatea: Orain arte, Europan oineko hartziduraz ekoizturiko garagardoei bere usain bereziak emateko erabilia.

Ezaugarriak: Lur usain atsegina ematen dio garagardoari.