TABERNAK: Hiruki taberna (Beasain, Gipuzkoa)

Denbora dexente pasa da iada taberna baten inguruan blogean hitz egin ez dugula eta horretarako aitzakia on bat eman digute Beasainen dagoen Hiruki tabernakoek, artisau garagardo mugimenduarekin bat egin eta bertako garagardo ekoizle txikien garagardoak eskaintzen hasi baitira.

Kokalekua: Jose Miguel Iturrioz 1 (Beasain, Gipuzkoa)

Ordutegia: Astelehena: Itxita            Ostir.-Larunb: 18.00- 04.00

                    Asteartetik Ostegunera: 18.00 – 02.00  (Igandean baita)

IMG_0835

Duela urte ta erdi gutxi gora behera hasi ziren atzerriko artisau garagardo desberdinak eskaintzen. Izandako harrera ona ikusita eta pixka bat jendeari gustatzen zitzaizkion garagardo estiloak kontuan hartuta, bertako ekoizle txikiek eskaintzen dituzten garagardoen aldeko apustua egin dute. Hori dela eta, Localbier artisau garagardo bilatzailean sartuta dago Hiruki taberna.

Eskaintzen dituzten garagardoak:

    Kañeroan: Keler eta Voll damm.

    Botilan: 

    Bertakoak diren Baias, Txikita, Zerb eta Naparbier enpresen garagardo mota desberdinak.

          Astean behin ere atzerriko artisau garagardoa izaten dute “Asteko garagardo” bezala.

          Garagardo komertzialei dagokionez, Estrella Galicia, Voll-Damm, Keler, Alhambra eta Heineken dituzte.

IMG_0837

Artisau garagardoak dastatzeaz gain, Metal, Funky eta Rock and Roll musika entzuteko aukera izango du bertara inguratzen denak. Hilean behin ere kontzertu bat antolatzen da eta ostegunetan “Pintxo-pote”-a izaten da.

Boulevard garagardotegia (Irun, Gipuzkoa)

Azkenik egin diet bisitatxo bat  Boulevard garagardotegia tabernako Mikel eta Aito-ri Irunen duten garagardo “tenplu”-txoari. Kalitatezko gauzak gustuko dituenen tokia da, ez baitituzte garagardo interesgarriak bakarrik eskaintzen, janariari ere garrantzia ematen die eta artisau gazta paregabeak dastatzeko aukera ematen dute.

Kokalekua: Anzaran enparantza 11 (Irun, Gipuzkoa)

IMG_2740IMG_2741

Kañeroan dituzten garagardoak:

– Budêjovicky Pilsner

– Budêjovicky Beltza

– Aldakorra (Ni egon nintzenean Magic Rock-en High wire Pale Ale)

Botilan

Aukera oso zabala dute:

– Garagardo trapistak (Chimay, Westmalle, Rochefort…)

– Garizkoak

– Belgikako garagardo desberdinak (Tripel Karmeliet, Kwak, Cuvee des Trolls…)

– Atzerriko artisau garagardo enpresa desberdinen garagardo ugari (Flying Dog, Brewdog, De molen, The Kernel etab.), IPA, porter, Imperial coffee Stout… bezalako estiloak aurki ditzakegularik garagardo enpresa hauen eskaintza zabalean.

IMG_2739

Beraien blogean tabernako ekintza zein informazioen berri ematen duten.

Brewdog Camden (Londres, Ingalaterra)

Duela gutxi Londresko Camden auzoan ireki duten Brewdog tabernatik pasa nintzen. Taberna hau Brewdog garagardo enpresa Eskoziarrak dituen 8 tabernetako bat da.  Guztiek kontzeptu edo ideia berbera dute: Beraiek ekoizturiko garagardoak dira protagonista, rock musika edo musika gogorrarekin batera, garagardoen inguruko informazio edo esaldiak irakurri daitezkeelarik paretetan.

Kokapena:  113 Bayham Street, Camden Town  NW1 0AG (Londres, Ingalaterra)

Ordutegia:      Ast. – Osteg: 12:00- 23:30

                        Ostir. eta larunb: 12:00 – 00:00

                        Igandetan: 12:00 – 22.30

IPA estiloko garagardo oso lupulatuak (bai garratztasuna emanik baina bereziki lupulu usain indartsuak) ekoiztuz, beraien “itxura alternatiboa” eta garagardoa ekoizteko erabiltzen duten modu desberdina zabaltzeko eginiko marketing estrategia oso ona dela eta egin dira oso ezagun garagardo zale askoren artean.

Bi pisuko taberna bat da, nahiz eta goiko pisua izan toki gehien duena.

Grifoan naiz botiletan saltzen dituzte beraien garagardoak, baina beste artisau garagardo enpresa desberdinen garagardoa botilak ere probatzeko aukera dago (Mikkeler, Flying Dog etab.).

Grifoan eskaintzen dituzten garagardoak honakoak dira:

Dead Pony Club % 3,8                  Trashy Blonde % 4,1

77 Lager % 4,7                              Zeitgeist % 4,9

5 A.M. Saint % 5                            Punk IPA % 5,4

Alice Porter % 6,2                         Hardcore IPA % 9,2

Anarchist/alchemist % 14

Eta % 32 (Tactical Nuclear Penguin) eta %41 alkohol kopurua bolumenean duten garagardoak dituzte baita!!

Janaria:

Ez da berez bazkaldu edo afaltzeko toki bat, baina garagardo bat eta beste probatu bitartean gose pixka bat sartu ezkero, hanburgesa eta antzeko janariak jateko aukera dago.

Garagardo zalea bazara, dudarik gabe toki benetan egokia da hau, garagardo estilo desberdinen eskaintza handia baitago eta dituzten garagardoak benetan kalitate altukoak direlako.

Eta garagardoa asko gustatzen ez bazaizu, oso toki aproposa da baita, hemen dituzten garagardo mota desberdinak probatu ondoren jakingo baituzu benetan garagardoa gustatzen zaizuen edo ez, enpresa handiek kantitate handitan ekoizturiko garagardo argiak baino askoz ere aukera handiagoa baitago garagardoaren munduan, zein den (edo diren) norberaren gustukoa/k jakin behar da.

Never Stop (Donostia, Gipuzkoa)

Donostiarrak zorioneko daude. Duela hilabete inguru (Apirilak 20) garagardo mundua Donostiara gerturatu da, eta bertan gelditzeko gainera. Gaizka Izeta eta Txomin Garmendia dira Never Stop taberna martxan jarri dutenak. Txomin duela 20 urte hasi zen garagardoaren munduan, botilak biltzen hasi zen eta iada 1400 inguru ditu. Gasteizen dagoen Kitsch tabernara bidai batzuk egin eta Javier Aldearekin bilera batzuk egin ondoren jarri ziren proiektuan lanean.

Helbidea: Errege Katolikoen kalea 6

Ordutegia: 17.30 – 01.00

Taberna luzexka bat da, udan terrazatxo bat eta guzti duena. Sei kañero ditu, bai jauna, bakoitza garagardo mota batetakoa. Kañero hauetan dituzten garagardoak grifotik edateko aukera edukitzea benetan paregabea da, ez da batere erraza horrelakorik gure inguruan aurkitzea, inbidia sanoa sentitzen dut inguruan bizi direnengatik.

Musika lasaia entzuteko aukera izango duzue bertara inguratu ezkero. Kontzeptua ez baita dantzaleku batena, garagardo bat lasai hartzeko eta bertako jendearekin garagardo mota desberdinen inguruko inpresioak aldatzeko toki bat baizik.

 

Argazkietan tabernaren sarrera, iturriak ikusten diren panoramika eta garagardo botilak daudeneko argazkiak dituzue. Garagardoari dagokionez…

Garagardoari dagokionez, hona hemen eskaintza:

Kañeroan:

The Kernel Pale Ale         – kuhnken American IPA       – zz+ amber ale Naparbier

-janis Porter                    – 5am Saint Brewdog             – Molotov IPA Evil Twin

Botilan

Botiletan ere aukera itzela dago, aurkitu ditzakegun garagardo estiloak honakoak dira:

Pilsner, Pale Ale, IPA (azpiestilo desberdinak dituzte, imperial, doble IPA…), Bitter, Stout, Brown Ale, Schwarzbier, trapistak, Red Ale, English Ale, garizkoak, Strong Ale, Porter, Barley Wine, Alkoholik gabekoa… Eta azpimarratzekoa da baita, Gluten gabeko Pilsner garagardoa edateko aukera dagoela, zeliakoek edatea duten garagardo bat hain zuzen ere.

Eta hau gutxi balitz, bertatik askotan pasatzeko asmoa duzuenontzat, edo behin baino gehiagotan behintzat, bezeroen notatxo liburu bat dute! Zer den hau? Ba hainbeste garagardo dituztenez,  eta askotan batek azkeneko aldian zein garagardo hartu zituen (eta nolakoak ziren) ahazten duenez, norberak edan dituen garagardoei buruzko inpresioak idazteko aukera du, horrela, hurrengoan tabernatik pasatzean, iadanik zein garagardo edan dituzun eta hauen inguruko zure iritzia zein zen gogoratu dezakezu. 

Mila esker denagatik Txomin eta Gaizka!