Sesma brewing

Sesma brewing garagardotegi naparra aurkeztuko dugu gaur. Alberto Garcia (Sesma, Nafarroa) da proiektu honen sortzaile eta garagardogilea. Katalunian lizentziatura ikasi zuen eta bioteknologia alorreko ikasketak gauzatu zituen.AAAAA Garagardo ekoizpen prozesuan mikrobiologia eta bioteknologiak zerikusia dutenez, garagardoak ekoizten hasi ziren “entretenitzeko” eta benetan garagardoa egiteko gai zirela ikusteko.

Behin Nafarroara bueltatu zenean, garagardo ekoizpenaren ideia oraindik buruan zuen eta anaiarekin esperientziak elkarbanatu zituenez, eta honek legamiaren isolamendu eta propagazio lanak egiten dituen laborategi batetan lan egiten duenez, proiektua martxan jarri zuten.

Makinaria

8000 litro hilabetean ekoizteko ahalmena duen fabrika bat du Sesma brewing enpresak Nafarroako Sesma herrian. Makinaria etxea Italiakoa da eta 1200 litro ekoizteko ahalmena duen ingeles estiloko obradore bat du. Hartzidura ontziak 1500 l.-tako ontzi zilindrokoniko itxiak dira. Heltze ontzi horizonalak ere baditu.

AABB

Produktuak

Bi produktu mota bereizi ditzakegu:

1.- Sesma brewing-en garagardo ekologikoak:

– Pale Ale estiloa   – Brown ale    -Garizkoa

2.- Sesma brewing-en garagardo “arruntak”:

– Petra rubia (Pale Ale)  – Tostada (Amber)

– Super Petra (Inperial IPA)

Denboraldiko garagardoak ere egiten dituzte: Melokotoizko sour Ale, Blas GSC White IPA, La Cabaña de Valerio (Saison) etab.

Sesma brewing-en apostu handi bat eta beste ekoizleengandik bereizten duena erabiltzen dituzten legami motak dira. Melokotoizko Sour Ale (Prunus Persica) garagardoa dugu adibide on bat, non Sour Ale garagardo baten ezaugarriak dituen garagardo bat ekoizteko gai den legami zepa bakarra erabiliz, hau da, bakteria laktikorik eta Brettanomyces-ik erabili gabe. eta prozesu guzti honek behar duen denbora pasa gabe.

 

 

 

The Kernel Brewery (Londres, Ingalaterra)

Joan den larunbatean nire anaia Eneko bisitan zegoela eta Jagobak (Londresko euskara ikasle bat) proposatuta, Londres erdialdean dagoen “The Kernel Brewery”  bisitatzera joan nintzen.

Duela 3 urte jarri zuen martxan proiektu hau Edvin-ek Estatu Batuetara eginiko bidaia baten ondoren.Gazta desberdinen ezaugarri eta ekoizpenen inguruan formakuntza bat ematera joan zen New York-era. Lana bukatu ostean garagardo batzuk edatera ateratzen ziren eta modu honetan bertako artisau garagardo mota desberdinak ezagutu zituen, erabat liruratuta geratu zelarik. Londresa itzuli zenean orain arte hemen ekoizten ez ziren garagardo motak  eskaintzea pentsatu zuelarik.

Larunbatero ate-ireki antzeko ekitaldi bat egiten dute (9.00-15.00), non beraien garagardo mota desberdinak publikoari saldu eta nahi izan ezkero, fabrika erakusteko ere prest egoten direlarik. Hala izan zen nire kasuan, bitan pentsatu gabe ea makinaria ikusteko aukera zegoen galdetu nion Edvini eta hala izan zen, prozesuaren zein garagardo munduaren inguruko kontuei buruz  ere hitz egiteko aukera izan genuelarik.

Kokalekua: Unit 11, Dockley Road Industrial Estate, London SE16 3SF

http://thekernelbrewery.com/images/sparoad_map.gif

Orain arte 600 litrotako ekoizpen ahalmena zuen makinaria batekin aritu dira, baina orain dela hilabete batzutatik hona iada 3000 litrotako makinaria berri baten jabe dira eta 5 pertsona dabiltza ekoizpenean.

Botilan bigarren hartzidura (azukrea gehituz) eta ez pasteurizazio eta ezta iragazpenik jasan duten garagardoak ekoizten dituzte. Honakoak dira:

PALE ALE Columbus, 5.1%   PALE ALE Motueka CCC 4.9%         PALE ALE Wheat, 4.9%
INDIA BROWN ALE, 5.6%                             INDIA PALE ALE, Centennial Columbus, 7.3%
INDIA PALE ALE, Citra, 7.2%                                              INDIA PALE ALE, Black VI, 6.3%
INDIA PALE ALE, Summit, 7.5%                                         INDIA PALE ALE, Chinook, 6.5%
INDIA PALE ALE, Double SCCANS, 10.1%                                                  PORTER, 5.5%
EXPORT STOUT, 6,7 %                                                    IMPERIAL BROWN STOUT, 10%
IMPERIAL BROWN STOUT (French oak) 9.8%

Export Stout garagardoak aipamen berezia merezi du (garagardo beltzak gustatzen zaizkidalako izango da agian…), 1890. urteko Londresko garagardo fabrika baten errezetan oinarritua dagoena, eta aspaldian probatu dudan Stout interesgarrienetako bat da eta.

Mila esker Jagoba!

Baias garagardoa

Euskal Herrian dagoen beste garagardo enpresa txiki bat aurkeztuko dugu gaur, Idoia eta Joseluk sortua: Baias. Gaur egun errealitate den proiektu honen hazia Argentinako Patagoniara eginiko bidai batean erein zela esan daiteke, han ezagutu baitzuten lehendabiziko aldiz “mikro” edo “mikrogaragardotegi” (eskala txikian ekoizturiko garagardo enpresa txikia) bat, El Chalten izeneko herrixka batean. baiaslogo

Urte batzuk beranduago (2006) garagardoa etxean ekoizten hasi ziren eta 2010. urtean gaur egun erabiltzen duten makinaria lortu eta martxan jarri ziren. Garagardoaren izena Gorbean dagoen Baias errekari zor zaio, bertatik hartzen baitute hau ekoizteko erabiltzen duten ura.

“Ambar” izena duen Pale Ale garagardo bat ekoiztu zuten lehenengoz, eta ondoren porter garagardoa ekoizten hasi ziren. Bezeroek zertxobait suabeagoa zen garagardo bat eskatzen zietenez, “Gari” izeneko garizko garagardoa kaleratu zuten. Orain dela gutxi Kölsch estiloko garagardo horixka bat atera berri dute, produktu “Ekologikoa” azken hau.

Garagardo mota desberdinak 500 l/ekoizpen bakoitzeko ahalmena duen makinaria batekin egiten dituzte, 2 orduko beratze prozesu bat, iragazpena eta muztioaren egosketa (eta lupulu gehiketa) eginik. Behin muztioa egosten bukatzean, hoztu  eta legamia gehitzen dute, hartzidura aste bete eta bi aste bitartean (garagardoaren arabera) ematen delarik. Ondoren, garagardoa botilatu eta 15 egunez karbonatatzen dute, hilabete eta erdi gehiago heltzen utzirik.

Lehen esan bezala, hauek dira ekoizten dituzten produktuak:

-Ambar (Pale Ale)   -Beltza (Porter)    -Gari (Garizkoa)    – Eko (Kölsch )

baias

 

 

 

Mila esker denagatik Idoia eta Joselu!

(Informazioa 2013ko Apirilean eguneratua)

Etxeandia artisau garagardoa

Urte berri on guztioi! Urteko lehengo hitzak Bizkaian dagoen Etxeandia Garardauak enpresa aurkezteko erabiliko ditugu. Urduliz (Bizkaia) herrian dago kokatua eta Jon-ek orain dela bost urte buruan bueltaka zeukan ideia baten fruitua da. Txakolina eta sagardoa egiten zuen aitarekin eta horrela sortu zitzaion edarien munduarekiko interesa.

2009. urtean hasi zen proiektu honetan lanean eta 2011. urteko Otsailean eman zion hasiera ofizialki.

Ekoiztutako garagardo bakoitzak inguruko izaki mitologiko baten izena darama, garagardoaren ezaugarriekin nolabaiteko lotura izanik. Lehen ekoiztu zuen garagardoak “Antsoneko” izena zuen, azaleko hartziduraz ekoiztua eta Munich malta erabiliz.

Beranduago, garagardo mota desberdin gehiago ere egin ditu.

Jon lanea

Ura, malta, lupulua, legamia eta azukrea erabiliz ekoizten ditu garagardoak , Libe garagardoaren kasuan basarana ere erabiliz. Azukrea botilan gehituz eta bigarren hartzidurari esker, garagardoak usain konplexuagoak edukitzea lortzen da, garagardoak beranduago zahartzea ere lortuz. 1800 l garagardo/hilabetean ekoizten ditu.

Jarraitzen den ekoizpen prozesua hitz gutxitan:

Malta urarekin nahastu eta beratu ondoren muztioa egosten du, lupulua hiru momentu desberdinetan gehituz. Behin muztioa egosten bukatzen duenean, hau hoztu egiten du hartzidura egingo duen legamia gehitzerakoan tenperatura egokia izan dezan. Astebete inguru irauten du hartzidurak, ondoren 10 egun tenperatura hotzagoetan heltzen delarik. Bi astez gutxienez edukitzen du garagardoa botiletan egonkortzen.

Produktuak:

Antsonekoa, munich malta estiloa erabiliz ekoiztua.

Mattin pirata,urre-hori kolorekoa eta % 7-8 alkohol bol.

Mari, urre ori suabea eta oso lupulatua.

Lauaxeta garagardo beltza.

Libe, gorri kolorekoa, basaranekin.

Aurrerago ezagutuko ditugu sakonago Izaki mitologiko hauen ezaugarriak.

Eskerrik asko Jon zure laguntzagatik!